| | قصه همس الروح |  |
|
|
| كاتب الموضوع | رسالة |
|---|
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| موضوع: قصه همس الروح  الخميس يناير 26, 2012 7:58 am | |
|
الحلقه الاولي
زي كل يوم خرج يصبح عليها من بلكونه اوضته اللي قصاد شباك اوضتها
رنا : صباح الخير يا حبيبي
رامي: صباح الفل علي عيون اجمل رنا في الوجود..وحشتيني اوي
رنا: و انت وحشتني اوي اوي
رامي: يلا ربع ساعه و الاقيكي واقفه تحت في مكانا عشان اوصلك علي جامعتك
رنا: لا يا حبيبي مينفعش النهارده .. احمد هيوصلني معاه
احمد اخو رنا الوحيد مهندس في شركه مقاولات كبيره في اسكندريه
رامي: نعم احمد .. و ايه اللي هينزله بدري كده ؟
رنا: هيعدي يجيب معاش بابا و يوصلني في طريقه و بعد كده يطلع علي الشغل
رامي: يعني ايه مش هعرف اقابلك النهارده؟(( همــــــس الـــــروح )) قمه الحب والرومانسيه ..
رنا: معلش بقي ماانت معايا اهه
رامي: لا انا هجيلك بعد ما تخلصي محاضراتك و هطلع عين البيه اخوكي ده و اسيبله كل شغلي و اخلع
رنا: هههههههه احسن برده يستاهل و انا هستناك انا هخلص الساعه 2
رامي: 2 الا ربع هتلاقيني وافق علي باب كليتك
رامي برده مهندس و صاحب احمد الانتيم و بيشتغل معاه في نفس الشركه و نفس المكتب
رنا في اخر سنه كليه الصيدله
في الشغل
رامي باستعباط : ايه ده تتحسد و الله جاي بدري النهارده ... معدتش عليا ليه؟؟
احمد: اصلي وصلت رنا الجامعه و بعدين رحت اجيب معاش بابا.. النهارده 10 في الشهر و ماما مبقتش تقدر تروح تجيبه .. و بعدين يا اخويا زعلان اوي عشان معدتش عليك ال يعني اسم الله بلاقيك كل يوم مستنيني
رامي: و انا اعملك ايه انت اللي بتصحي متاخر و انا بحب اجي بدري
احمد: ماشي يا عم الملتزم
رامي: انا همشي بدري النهارده و عايزك تطلع جدع معايا كده و تكمل الشغل بتاعي عشان اعرف ازوغ
احمد: تزوغ ده انا لسه بقول عليك ملتزم
رامي: مره يااخي من نفسي ماانت كل يوم تسيبلي شغلك كله و تمشي
احمد: ماشي يا سيدي بس قولي هتزوغ علي فين؟
رامي: ها... مشوار كده لازم اعمله قبل الساعه 2
احمد: اممممممم طيب
احمد كان حاسس ان في حاجه بين رنا و رامي لكن مكنش يعرف ان في بينهم مقابلات و كلام كمان لانه بيثق اوي في اخته و في صديق عمره كان بيسكت علي بعض النظرات اللي بيشوفها دايما في عنيهم لما يشوفوا بعض في اي مكان يجمعهم هما التلاته بالصدفه
في الجامعه رنا جايه من بعيد معاها اتنين من صحابها لمحت رامي استاذنت من صحابها و قربت منه
رامي: وحشتيني يا حياتي
رنا: و انت كمان وحشتني اوي
رامي: يلا بينا
رنا: علي فين؟
رامي: نروح نتغدي في اي مكان انا واقع من الجوع
رنا: لا يا رامي احسن حد يشوفنا تبقي مشكله
رامي: مين بس اللي هيشوفنا الشغل اللي سبته لاحمد مع شغله قدامه للساعه 5 لما يخلص منه
رنا: يعني محدش عارفني غير احمد؟
رامي: متحبيكهاش بقي لو حد شافنا هخدك و نروح علي الست والدتك و اقولها يا ست الكل انا عاوز اتجوز بنتك و حياتك عندي اتجوزك في اسبوع واحد
رنا: بحبك
رامي: يعني موافقه طب يلا بينا
شدها من ايدها و خدها في عربيته علي مطعم علي البحر
رنا: انت بتوحشني اوي يا رامي مع انك قدامي كل يوم و ممكن اشوفك في اي وقت بس دايما واحشني نفسي تبقي معايا علي طول
رامي: ماانتي اللي منشفه دماغك كان زمانا متجوزين من سنتين
رنا: يا حبيبي مش عايزه اتجوز و انا بدرس عشان منشغلش عنك يا روح قلبي بالمذاكره ووجع القلب اللي انا فيه ده
رامي: بعد الشر علي قلبي من الوجع .. بس تعالي هنا قوليلي معني كلامك ده انك اخيرا اقتنعتي انك متشغليش بعد الجواز مش كده؟
رنا: مين قال كده هشتغل طبعا بس تفرق الشغل هيبقي الصبح و هترجع من شغل تلاقيني موجوده في البيت مستنياك لكن لو لسه بدرس هتلاقيني ماسكه الكتاب ليل و نهار ده غير المحاضرات كل يوم و السكاشن اللي ممكن تقعد ل 5 /6 و و و
رامي: بس بس عقدتيني خلاص هانت كلها شهرين و نخلص بس الجواز هيتم في خلال شهر واحد اها مفيش لا خطوبه و لا غيره
رنا: لا خطوبه ايه احنا بقالنا اكتر من عشر سنين في حكم المخطوبين علي الاقل بينا و بين نفسنا
رامي: ياااااااه فات علي حبنا عشر سنين انا مش مصدق نفسي عدوا كانهم عشر ساعات
رنا: العمر بيعدي بسرعه البرق و الايام الحلوه بتعدي هوي
رامي: لالالا متقوليش كده ايامنا كلها هتبقي سعاده و حب في حب باذن الله
رنا: يارب يا حبيبي انا مش عايزه من الدنيا دي غير انك تفضل معايا
رامي: و انا عمري ما هسيبك ابدا ابدا علي قلبك دنيا و اخره مش هفارقك و لا لحظه يا حياتي
رنا: ربنا مايحرمني منك ابدا
رامي: و لا يحرمني منك يا قلبي
في بيت رامي دخل علي والدته الست ماجدهبتعشق رامي و بتخاف عليه من الهوا الطاير امنيه حياتها تعيش و تشوفه عريس و تشيل ولاده زي ما شالت ولاد ندي اخته بس مش لاي عروسه لهند بنت اختها
رامي: ازيك يا مجود يا حبيبتي
والدته : انا الحمد لله يا حبيبي انت اخبارك ايه؟
رامي: انا تمام يا ست الكل
والدته: احضرلك الغدي؟
رامي: لالالالا انا شبعان اوي و مبسوط اوي اوي
والدته: ربنا يبسطك كمان و كمان ... بس قولي مش عاوز تاكل ليه؟
رامي: يا ست الكل بقولك شبعان اصلي اتغديت بره
والدته: اااه طيب يا حبيبي روح غير هدومك عشان عيزاك في موضوع مهم
رامي: موضوع ايه؟
والدته: بس روح غير هدومك و اغسل وشك و تعالي
رامي: حاضر يا ست الكل
* يارب استر و ميكنش الموضوع اللي في دماغي مش طالبه نكد معايا دلوقتي خالص
غير هدومه و رجعلها
رامي: ها يا ست الكل ايه بقي الموضوع اللي عايزه تكلميني فيه؟
*يا ساتر استر يارب
والدته: خالتك و بنت خالتك جايين عندنا النهارده
رامي:
* يادي النهار الكحلي
والدته: مبتردش ليه يا واد؟
رامي:هرد اقول ايه يعني يا ماما ينوروا
والدته: كنت فكراك هتفرح عشان هند جايه قلت هتقوم تبوسني
رامي: من عنيا يا ست الكل ابوسك اها افرح لا و ادي البوسه
قام باسها من خدها
والدته: انت عمرك ما هتتغير ابدا؟
رامي: و اتغير ليه بس ماانا حلو و زي القمر اهه و لا انتي عندك شك
والدته: اتكلم جد شويه مش معقوله كده ياابني كل ماافتح معاك الموضوع ده تقلبه هزار كده
رامي: عشان يا ست الكل مش هنفذ اللي انتي بتفكري فيه انتي عارفه كويس اني مبحبش هند و اني بحب رنا و مش هتجوز غيرها
والدته: يادي رنا هي سحرالك دي و لا عملالك عمل؟
رامي: اها يالهوي يا ماما سحرالي بس ده انا لما بشوفها بحس اني طاير فوق فوق بعيد في الجنه انا بحبها اوي يا ماما ارجوكي تقدري الحب ده و توافقي عليها و الله هتحبيها اوي
والدته: ياابني و هند مالها بس؟
رامي: يا ماما هند كويسه و كل حاجه بس انا بحب رنا مش شايف و لا هشوف حد غيرها و كلها شهرين و اخدك من ايدك يا ست الكل و نروح نتقدملها
والدته: مش هيحصل طول ماانا عايشه مش هيحصل
رامي: هيحصل يا قمرايه يا عسل انت ماجده بتحب رامي و مبترفضلوش طلب و اكيد تحب تشوفه فرحان و سعيد و مستقر في حياته يبقي هيحصل و لالا؟
والدته بعصبيه: اها يانا منك
دخل اوضه الصالون بعد ما سابته والدته و هي زعلانه و مسك التليفون و اتصل علي ندي
ندي: لسه فاكر تسال علي اختك
رامي: معلش يا دودي و الله مشغل لشوشتي برجع من الشغل همدان مبحسش بنفسي
ندي: ربنا معاك يا حبيبي اخبار ماما ايه و البت رنا عامله ايه وحشاني الندله؟
رامي: رنا كويسه الحمد لله بتسالني عليكي دايما و الله اما ماما بقي
ندي: ايه مالها ماما اوعي تكون تعبانه
رامي: لا كويسه الحمد لله بس خالتك و بنتها جايين النهارده
ندي: اها فهمت
رامي: ما تحاولي تليني دماغها يا ندي انا تعبت اوي و الله بحاول اتماسك اعصابي و اشوش علي الموضوع يمكن تنسي و مبتنساش ابدا ملناش سيره غيره
ندي: ماانت عارف ماما اللي في دماغها في دماغها بس ان شاء الله هتلين انت عارف قد ايه بتحبك و متقدرش تزعلك
رامي: ياااارب
ندي: ان شاء الله ... اقولك تعالالي النهارده الولاد عايزين يشوفك
رامي: و الله فكره هقولها اني وعدت خالد و عمر اني افسحهم النهارده و اخدهم افسحهم شويه
ندي: ماشي يا حبيبي و انا مستنياك
اقنع والدته بالحجه اللي اخترعها و هرب من المقابله بينه و بين هند و كل مره كان بيخترع بيها حجه عشان ميشفهاش و يهرب دايما من كلام والدته بمنتهي اللباقه و الحكمه
لحد لما عدي الشهرين
خلصت الامتحانات و اخيرا هيتقدم لحبيبته و هيتحقق حلم عمره بس قبل ما يحصل ده لازم والدته توافق عشان تروح معاه
هتوافق و لالا و ياتري هيقدر يقنعها و يحقق اللي في دماغه ده اللي هنعرفه الحلقه الجايه اللي هتكون بدايه لكل الاحداث اللي جايه
DownLoad FulL StorYmediafire
[ندعوك للتسجيل في المنتدى أو التعريف بنفسك لمعاينة هذا الرابط]
=======================
SendMyWay
[ندعوك للتسجيل في المنتدى أو التعريف بنفسك لمعاينة هذا الرابط]
=======================
JumboFiles
[ندعوك للتسجيل في المنتدى أو التعريف بنفسك لمعاينة هذا الرابط]
=======================
4Shared
[ندعوك للتسجيل في المنتدى أو التعريف بنفسك لمعاينة هذا الرابط]
=======================
Zshare
[ندعوك للتسجيل في المنتدى أو التعريف بنفسك لمعاينة هذا الرابط]
=======================
MegaUpLoad
xxxxxx
عدل سابقا من قبل ḾahḾøøuĐ ḾễĐø في الخميس يناير 26, 2012 8:04 am عدل 1 مرات | |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الخميس يناير 26, 2012 8:00 am | |
| الحلقه التانيه
حاول رامي بكل الطرق يقنع والدته علي انها تروح معاه بيت رنا عشان يتقدم لخطوبتها و بعد طول محايله و زعل و خصام وافقت اخيرا علي طلبه من غير اقتناع او رضا لكن المهم انها وافقت و بالفعل راحت معاه
ام رنا و ام رامي كانوا اصحاب جامدين جدا لكن من يوم ما عرفت ام رامي بموضوع حب رامي لرنا و انقطعت كل الصلات ما بينهم من غير ما تبرر لام رنا سبب البعد و الخصام اكيد اختها و بنت اختها كانوا بالنسبه ليها اهم من مليون صداقه و جيره و عشره
حدد رامي ميعاد مع احمد صديق عمره و كان بعد الامتحانات ب 3 ايام
في المقابله كان معاه امه و اخته و مصطفي جوز اخته الوحيده
..
اتكلموا في كل التفاصيل و ام رامي قاعده زي اللي رايحه جنازه منطقتش كلمتين علي بعض
...
ام رنا: يعني ايه ياابني مش عاوز خطوبه ما تقولي حاجه يا ام رامي
ام رامي: جري ايه يا رامي في ايه ايه لازمته الاستعجال ده ياابني مش تدي لنفسك فرصه تانيه يمكن ...
قاطعتها بسرعه ندي
ندي: و ليه لا بس يا طنط احنا جيران من زمان و انا شايفه ان مدام كل حاجه جاهزه يبقي ملهاش لازمه الخطوبه دي .. دي بتبقي للناس اللي ميعرفوش بعض كويس او الناس اللي مش جاهزين انا شايفه ان خير البر عاجله
احمد: انا رايي من راي رنا ايه رايكوا نخلي الفرح الشهر الجاي؟
رامي: اهو هو ده الكلام الفاتحه بقي
اتقرت الفاتحه و انطلقت بعدها الزغاريط اللي ملت الشارع كمان يوم الفرح بعد ما فات شهر و كانه سنه علي رامي و رنا
في يوم الفرح
اخيرا اتجمع اجمل قلبين بيعشقوا بعض في مكان واحد
رامي: مبروك يا عروسه
رنا بخجل : الله يبارك فيك يا حبيبي
رامي: انتي مكسوفه مني و لا ايه امال لو مكانوش عشر سنين حب و غرام و هيام كنتي روحتي مع مامتك بقي
رنا: هههههههههه
رامي: ايوه كده انا مش عاوز من الدنيا دي غير اني اشوف البسمه دايما علي وشك و الفرحه في عنيكي اوعي تسيبي للحزن مكان في قلبك يا رنا و لا ثانيه واحده و انا اوعدك اني عمري ما هزعلك و لا هخليكي تعيشي معايا لحظه واحده و دمعه علي خدك
رنا: ربنا يخليك ليا يارب يا رامي انا من غيرك و لا حاجه
رامي: انتي بيا من غيري اعظم و اجمل بنت شافتها عيني
رنا: بحبك اوي
رامي: و انا بعشقك
تاني يوم واقفه رنا علي الشط في الغردقه بعد ما سافروا الصبح يقضوا شهر العسل
من وراها جي رامي
رامي: يلا يا قلبي انا خلاص دخلت الشنط علي الشاليه
رنا: تعالي نقعد هنا شويه
رامي: بس كده انتي تؤمريني يا حياتي
رنا: عارف من يوم ما قلبي دق لحبك و انا كل يوم و انا راجعه من المدرسه و بعدها و انا راجعه من الجامعه اروح لوحدي البحر و اقعد عالشط اتكلم معاه و احكيله
رامي: كنتي بتقوليله ايه؟
رنا: يااااااااه كل حاجه كانت بتحصل بينا كلامك و ضحكك و غناك
رامي: عشان كده اول ما جينا سحبتي نفسك و جيتي علي هنا؟
رنا: جيت اقوله اننا اخيرا بقينا مع بعض و حبنا كمل و انتهي زي مااحنا عايزين
رامي:..........
رنا: بتبصلي كده ليه؟
رامي: بتامل حبي في عنيكي... انا عمري ما قابلت عنين مرسوم فيها الحب بالشكل ده
رنا بابتسامه هاديه : حبك مرسوم في عيوني مكتوب في قلبي عايش جوه روحي بتنفسه في كل لحظه بعيشها و انت معايا او حتي بعيد عني
رامي: الله عليكي و علي كلامك العسل زيك يا عسل انا بحبك اوي اوي اوي اوووووووووي اشهد عليا يا بحر بحبــــــــــها
كان شهر جميل اوي عدي عليهم بسرعه اوي اوي
بعد عودتهم لاسكندريه رجع رامي شغله تاني يوم
رامي واقف قدام باب المكتب مش مبين غير راسه عاوز يعمل مفاجاه لاحمد
رامي: وحشتني ياابو حميد
احمد: روميو حبيب قلبي
قام و حضنه و باسه
احمد: وحشتونا اوي
رامي: و انتوا وحشتونا اكتر و الله
احمد: ..روني عامله ايه؟
رامي: تمااااااام اوي بتسلم عليك
احمد:الله يسلمها وحشتني اوي البت دي و ماما هتموت عليها
رامي: و انتوا كمان وحشتوها جدا
احمد: خلاص احنا معزومين علي العشا عندكوا النهارده
رامي: ايه ايه حيلك حيلك مش عايزين حد يجيلنا النهارده خالص
احمد: يا ساتر يارب جري ايه يا واد ده بدل ما تقولي تشررفوا و تنوروا و خلوها غدي و عشا كمان
رامي: لالا بلاش النهارده ..النهارده يوم خاص بيا انا و رنا و بس مش عاوزين عزول وليك عندي يوم كامل من فطار و غدي و عشا
احمد: اااااه و لو اني مش فاهم حاجه بس طيب
رامي: محدش بقي يجيب سيره لماما اني جيت انا هعملهالها مفاجاه بس مش النهارده
احمد: احسن برده لاني مكنتش هقولها حاجه اساسا لو كنت طلبت مني
رامي: ليه بقي؟
احمد: امك دي يا ساتر يارب دي عليها بوذ ياابني مفيش بعد كده مشفتهاش يوم الفرح كانت عامله ازاي اعوز بالله عنده حق ابوك يموت بالسكته القلبيه
رامي: اتلم يا واد دي امي برده هي بس ميتعرفش تفكها بتموت في الكابه
احمد: ربنا يخليهالها
رامي: هي مين؟
احمد: الكابه هههههههههه
رامي: هههههههههههه
*******************
في البيت رنا في المطبخ واقفه ملخومه علي الاخر بتتكلم في التليفون
رنا:ايوه يا ماما و بعدين اعمل ايه بعد ما سلقتها ... احط الطماطم .. و ايه تاني بصل و توم ...اه .... لا كده كتير اوي انا مش فاهمه حاجه ... خلاص يا ماما انا هتصرف و ربنا يستر بقي
و فاجأه سمعت صوت من وراها
و
نكمل الحلقه الجايه
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الخميس يناير 26, 2012 8:02 am | |
| الحلقه التالته
في البيت رنا في المطبخ واقفه ملخومه علي الاخر بتتكلم في التليفون
رنا:ايوه يا ماما و بعدين اعمل ايه بعد ما سلقتها ... احط الطماطم .. و ايه تاني بصل و توم ...اه .... لا كده كتير اوي انا مش فاهمه حاجه ... خلاص يا ماما انا هتصرف و ربنا يستر بقي
و فاجأه سمعت صوت من وراها وضحكه عاليه بصت وراها لقت رامي
رنا : رامي!!! انت جيت امته؟
رامي : من ساعه الطماطم و البصل ههههههه
رنا: اخص عليك وواقف كل ده تسمع المكالمه
رامي: سمعت احلي صوت خلقه ربنا بيتكلم في التليفون .... الا قوليلي تحبي اغير هدومي و اجي اساعدك في الباميه و لا انتي كالعاده مش محتاجه مساعده ههههههههه
رنا: لا ما هو بص بقي تريقه و ضحك عليا مش عايزه انا قلتلك قبل الجواز اني اخر مكان كنت بدخله في بيتنا هو المطبخ و انت وافقت علي كده استحمل بقي
رامي: طبعا استحمل هو انا عندي كام رنا يعني عشان مستحملهاش ده انتي حياتي و عمري و قلبي و دنيتي و عيوني اللي بشوف بيها .. بصي احنا نطلب دليفري باميه برده هههههههه و لا اقولك نتغدي بره ايه رايك؟
رنا: لالالالا بره ايه بس يا رامي هنخلص مرتبك كله علي المطاعم انا لسه قدامي شهرين تلاته لما استلم شغلي
رامي: يا حبيبتي و لا يهمك هبقي اخدك و ننزل نشحت علي باب السيده في القاهره اهه محدش هيعرفنا هناك
رنا: هههههههه... بحبك و اروح معاك المريخ حتي
رامي: و انا بموت فيكي
رنا: بص احنا نطلب دليفري مؤقتا بقي لحد لما ربنا يفرجها و اتعلم التبيخ ده
رامي: طب انطقيها بنفس الاول عشان تتعلميه صح حد يقول التبيخ
رنا:خلاص بقي بطل تريقه و يلا عشان انا بدات اجوع
رامي: و انا مت خلاص من الجوع
رنا: بعد الشر عليك يا حياتي
*****************
خرج احمد من الشغل علي النادي عشان يقابل ميرنا خطيبته
من بعيد شافها بتلعب تنس مع واحد غريب نادي عليها و عنيه مليانه غضب استاذنت منه و راحت لاحمد
ميرنا : اهلا يا حبيبي ازيك
احمد : اهلا
ميرنا: جيت بدري النهارده يعني
احمد : لا يا هانم انا جاي قبل ميعادي كمان بس حضرتك اللي سرحتي مع البيه اللي كنتي بتلعبي معاه ممكن اعرف مين ده ؟
ميرنا : ده نادر لسه متعرفه عليه طازه بس طيب خالص
احمد و الشر في عيونه : انتي بتهزري متعرفه عليه ازاي يعني و ايه نوع العلاقه اللي بينكوا ان شاء الله ؟
ميرنا : ايه يااحمد في ايه ده مجرد صديق
احمد : مفيش حاجه اسمها صداقه بين ولد و بنت
ميرنا بعصبيه : يا سلام ماانت اول ما عرفتني كنا اصحاب اشمعنه دلوقتي بقي مفيش صداقه بين ولد و بنت
احمد: لا يا هانم تختلف انا من اول مره شفتك فيها و انا معجب بيكي و لما قربت منك كان عشان اعرف شعورك من ناحيتي مش عشان نبقي اصدقاء و حتي لو كان مفروض ان حضرتك دلوقتي مخطوبه في حاجه اسمها احترام للبيه اللي دبلته في ايدك
ميرنا بسخريه : هاهاها مخطوبه ال مخطوبه ال ... مخطوبه مع وقف التنفيذ انا كل اصحابي اتخطبوا و اتجوزوا في خلال شهر اتنين بالكتير و انا بقالي اكتر من سنه و مفيش جديد مش كفايه اني مستحمله ظروفك كمان عاوز تتحكم فيا دي بقت حاجه تخنق
احمد بنخوه الراجل الشرقي قلع الدبله و رماها في وشها
احمد : مش عاوز اشوف وشك تاني و لو صدفه
في لحظه راجعت ميرنا نفسها و جريت وراه تحاول تعتذرله
ميرنا : احمد انا اسفه حقك عليا
احمد ماشي و مبيردش عليها و هي ماشيه جنبه
ميرنا: احمد ارجوك اسمعني انا بحبك و حياه حبك ليا تسمعني
وقف في لحظه ضعف بعد ما بدا يحس بالدموع في عنيها و في كلامها
احمد : عاوزه ايه مني تاني يا ميرنا ؟
ميرنا و الدموع في عنيها : انا اسفه سامحني انا بحبك اوي و الله بس انت عارفني لما بتعصب مبحسش بنفسي و مببقاش عارفه بقول ايه
احمد : طيب متعيطيش انتي عارفه اني مبستحملش اشوف دموعك
ميرنا : يعني سامحتني ؟
احمد بعد لحظه صمت نفخ بصوت عالي و قال : خلاص يا ميرنا حصل خير
ميرنا : بس شكلك لسه زعلان انا عرفاك كويس
احمد : طب بزمتك اللي قولتيه ده ميزعلش مهما كنتي عصبيه مفروض تتحكمي في نفسك انا هبقي جوزك.. مفيش راجل يستحمل من مراته كلمه من كلامك ده كمان مفيش راجل محترم يقبل ان مراته يكون ليها اصدقاء رجاله
ميرنا : انا اسفه هحاول اتحكم في اعصابي بس استحملني شويه عشان خاطري و بالنسبه لنادر انا معملتش معاه حاجه غلط انا كنت بلعب مع غاده صحبتي و سابتني لما اختها جت و جيه طلب مني يلعب مكانها اتحرجت اقوله لا بس
احمد : و اتعرفتوا و فتحتوا مواضيع و حكيتوا حواديت و كل واحد عرف قصه حياه التاني و في النهايه بقيتوا اصدقاء مش كده ؟
ميرنا : لا ابدا و الله ده بس اسمك ايه ميرنا و انت قالي نادر مش اكتر من كده
احمد : خلاص يا ميرنا بس لو سمحتي الموضوع ده ميتكررش تاني ده لو بتحبيني بجد و باقيه عليا
ميرنا : طبعا بحبك و عمري ما هحب حد غيرك
احمد : طب يلا عشان نتغدي سوي
ميرنا : و مش هتلبس الدبله ؟
احمد : لا مش هلبسها طبعا
ميرنا : نععععم !!!!
احمد : حبيبتي هي اللي هتلبسهالي
ميرنا : حرام عليك وقعت قلبي
احمد : ههههههههههه
***************************
باليل في مطعم شيك اوي رامي و رنا بيتعشوا
رنا : ياابني انت مولود في مطعم
رامي : ههههههههههه .... طب بزمتك ينفع نعدي يوم زي ده من غير ما نحتفل
رنا : يا حبيبي نحتفل في بيتنا و لا هي بعزقه عالفاضي نخلي الاحتفال ده لما يفوت سنه علي جوازنا مش شهر يا رامي
رامي : يا بت بطلي بخل بقي و بعدين انا عاملك مفاجاه جامده دلوقتي
رنا: مفاجاه ايه ؟
رامي : تؤ تؤ تؤ مش هقول
رنا : عشان خاطري يا رامي تقولي مفاجاه ايه اللي عملهالي و حياتي عندك ؟
رامي : لا و النبي بلاش و حياه ابوكي الكلمتين اللي هيخلوني اندب و اقولك خليني عاقل كده و راسي هما عشر دقايق و المفاجاه هتيجي لوحدها
رنا : خلاص امري لله استني عشر دقايق مش كتير
رامي : ايوه كده حبيبتي دي حته بت زي العسل بموت فيها
رنا : و هي بتعشقك
رامي : هي ايه ؟؟؟
رنا : ب ت ع ش ق ك
رامي : هي مين اللي بتعشق مين ؟
رنا : انا بعشقك يا رامي يا حبيبي
رامي : ايوووووووووه يا جدعان و بعلو صوته بحبــــــــــــــك يا رنا
رنا : هههههههه يا مجنون الناس بتبص علينا
رامي وقف للناس يهز راسه : سوري يا جماعه اصل انا بحبها اوي
كل الموجودين قعدوا يضحكوا علي منظروا
رامي : اهي جت المفاجاه
جي الجرسون من بعيد معاه تورته كبيره علي شكل قلب و مكتوب عليها بحبك يا رنا و تحتها حبيبك رامي
رنا : مش معقول انت تجنن يا رامي بجد
رامي : انا مجنون بيكي يا حياتي
رنا : انا بجد مبسوطه اوي و بحبك موووووووت
رامي : و انا بموت فيكي
رامي للجرسون بعد ما حط التورته علي التربيزه قدامهم : ميرسي اوي
الجرسون : بعد اذنكوا
رنا: انت جميل اوي يا رامي
رامي: انتي اجمل زوجه في الدنيا
رنا: انا مكنتش اعرف ان الجواز حلو اوي كده انا اسعد انسانه في الدنيا دي كلها كل ده احتفال بمرور شهر واحد علي جوازنا امال لو فات سنه هتعملي ايه
رامي:هاخليكي اسعد و اسعد و اسعد يارب يقدرني و افضل اسعدك لاخر يوم في حياتي
رنا: ربنا يخليك ليا يارب و ميحرمنيش من كل الحب ده ابدا
رامي: غمضي عنيكي
رنا: ليه ؟
رامي: غمضي بس؟
رنا: حاضر اهه غمضت
خرج رامي علبه صغيره و جواها خاتم في منتهي الشياكه مسك ايدها و لبسهلها و باس ايدها
رامي: فتحي
رنا: واااااااااو ده تحفه و قيم اوي
علي: ميغلاش عليكي يا حبيبتي
رنا:
رنا سرحت شويه و عنيها في عنين رامي: انا مش مصدقه اللي انا فيه ده اكيد بحلم مش معقول الدنيا اول مره تفرحني كده الحمد لله يارب عوضتني عن كل حاجه حصلتلي برامي ربنا يخليك ليا يا رامي و ميحرمنيش من حبك الجميل ده ابدا انا من غيرك و لا حاجه
رامي: هيييييه رحتي فين؟
رنا: معاك يا حبيبي
رامي : قوليلي بقي سرحتي في ايه؟
رنا: اكيد فيك
رامي: سرحتي فيا و انا قدامك
رنا : انا عمري ما فكرت غير فيك حتي و انت معايا
رامي : طب و نفسك قالتلك ايه ؟
رنا: قالتلي ربنا يخليلك رامي حبيبك و ميحرمكيش منه ابدا لانك من غيره و لا حاجه يا رنا
رامي: لالالا نفسك دي كدابه انتي برامي من غيررامي ملكه العالم ده كله
رنا: مفيش ملكه من غير ملك يحبها و يخاف عليها و يفرحها زي ما بتفرحني كده
رامي: ربنا يخليكي ليا و يخليني ليكي و افضل اسعدك عمري كله
رنا: ياااااااااارب
رامي: بقولك ايه .. ايه رايك ناخد التورته دي و نكمل السهره في البيت بدل ما الناس مش منزله عنيها من علينا كده هنتحسد
رنا: و الله عندهم حق هو اللي انت عملته النهارده شويه طبعا لازم مينزلوش عينهم من علينا
رامي: يا سلام ليه يعني احنا عملنا ايه اتنين متجوزين بيحتفلو بمرور شهر علي جوازهم فيها ايه دي؟
رنا بتبص لعلي و مبتسمه من غير كلام
رامي: يا بت بتبصيلي كده ليه ما تقومي تقعدي معاهم احسن
رنا: اصلك عسول اوي
رامي: يا بكاشه
رنا: بحبك اوي يارامي
رامي: و انا بموت فيكي يا روح رامي.. يلا بقي نمشي من هنا حاسس ان الناس دي مشافوش بشر قبل كده احسن يقوموا يقعدوا معانا و لا حاجه
رنا: هههههههههه يلا يا حبيبي
نادي علي الجرسون و طلب منه يلف التورته و يجيبها علي العربيه
في بيت ام رامي
ام رامي : اها يانا من ابني نسيني طبعا بنت مني خدته مني و نسي امه
ندي: يا ماما اهدي بس معقوله اللي بتقوليه ده
ام رامي : امال تفسري اللي حاصل ده بايه شهر مجاش و لا قال اطمن علي امي حبيبتي
ندي: يا حبيبتي لسه جاي من السفر امبارح و اكيد بيستريح النهارده
ام رامي :ايه جيه امبارح و عرفتي منين و ليه مقولتيش من ساعه من جيتي ؟
** ندي : يالهوي شكلي عكيت و لا ايه
ام رامي : انطقي عرفتي منين
ندي : ما هــ هــ هو طبيعي يعني يا ماما مش فات الشهر بتاع العسل يبقي اكيد جم
ام رامي : ااااه طب اتصليلي بيه دلوقتي
ندي : ليه بس ؟
ام رامي : و الله لاجيبه دلوقتي هنا عشان اشوفه
ندي : يا ماما حرام عليكي
ام رامي : اسكتي يا بت انتي هاتي التليفون ده و انا هتصل
ندي : يارب استر
كانوا لسه داخلين من عالباب سمعوا التليفون
رامي : ده مين الي مستنينا عالتليفون ده ؟
رنا : شوف يا حبيبي
رد عالتليفون
رامي : الوو
ام رامي : اهلا بالعريس
رامي : ماما
و نكمل الحلقه الجايه
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| |
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| |
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الإثنين يناير 30, 2012 1:04 am | |
| الحلقه السادسه
صرخت الام صرخه الم و انفطار قلبها علي ابنتها الوحيده و غادرت المكان متجهها صوب الغرفه التي نقلت اليها ابنتها بعد وفاتها
اما احمد فانهالت الدموع علي وجنتيه و ما من لحظات حتي جلس علي اول مقعد رأه امامه و وضع وجهه بين كفوف يده و انهار في البكاء
رامي
لحظات صمت مرت علي رامي لم ينطق بكلمه واحده لم يتحرك من مكانه... و لا نصف دمعه بكت بها عينه و بعد دقائق زهول و بعد استيعابه للموقف اخيرا لم ينطق سوي
حبيبتي رنا
و سقط مغشيا عليه
***********************
بعد مرور تقريبا ساعه الا ربع من الزمن وصل الي المستشفي كلا من ام رامي و ندي و زوجها مصطفي و كانوا لا يعرفوا شيئا بعد عن وفاه رنا
ندي متجهه سريعا صوب احمد
ندي : طمني يااحمد رنا عملت ايه ؟
ما زال احمد جالسا واضع وجهه بين كفيه و هو منهار تماما
ندي : رد عليا يااحمد في ايه ؟
مصطفي : يااحمد رد علينا الله يخليك طمنا حصل ايه ؟
رفع احمد راسه ليروا الدموع تملأ عينه سائله علي خده و يديه
ندي : يالهوي حصل ايه؟
احمد : رنا ..... رنا مـــ ماتت و هي بتولد
ندي : لا ... رنا ماتت
و انهارت في البكاء
مصطفي : لا حول و لا قوه الا بالله
ام رامي : ماتت يا عيني دي لسه في عز شبابها
سكوت و صمت رهيب سيطر علي المكان و الدموع تنهال من كل عين معادا ام رامي التي بدات بالكلام مع ندي
ام رامي : متعرفيش العيل اللي جابته صاحي و لا مات معاها؟
ندي : معرفش يا ماما
ام رامي : طب هو بت و لا واد؟
ندي : يا ماما معرفش حاجه
ام رامي : طب قومي اسالي
ندي : اسال مين بس دلوقتي ؟
ام رامي : اتصرفي و اعرفيلي
ندي : يا ماما ..
ام رامي : فزي قومي اسالي
ندي : حاضر
********************************
فكرت ندي في ان تسال احمد و لكن تراجعت سريعا لما راته عليه فذهبت الي اقرب مكان للاستعلامات في المستشفي ثم رجعت الي والدتها
ام رامي : ها سالتي و لا خيبتي زي عادتك ؟
ندي : بنت جابت بنت و هي في الحضانه دلوقتي عشان نزلت ناقصه اي اساله تانيه يا ماما
ام رامي : بنت ياعيني عليك ياابني الموكوسه مش عارفه تجيب حته واد
ندي : يا ماما حرام عليكي ده بدل ما تدعيلها بالرحمه تقولي كده احنا في بنت و لا ولد دلوقتي
ام رامي : الله يرحمها ياختي و عموما مش مهم كلها شهرين تلاته و اجوزه هند بنت اختي هي تجيبله الواد
ندي : كفايه بقي يا ماما حرام عليكي هو رامي في ايه و لا فـــ ........ رامـــــــي
سكتت ندي بعد ما حست اخيرا ان رامي مش باين جريت ناحيه احمد و سالته
ندي : رامي فين يااحمد ؟
احمد : رامي ... يا نهار اسود رامي ...
احمد كان مشتت من كل النواحي مش قادر يفكر في اي شئ حتي نسي ان رامي وقع و اخدوه علي العنايه المركزه
جريوا كلهم ناحيه العناية حاولوا يدخلوا جت الممرضه منعتهم
الممرضه : انا اسفه ممنوع حد يدخل العنايه المريض حالته وحشه
ام رامي : بتقولي ايه رامي ماله فيه ايه انا عايزه اطمن علي ابني
وسعي كده
منعتها الممرضه بالقوه
الممرضه : يا حاجه اللي بتعمليه ده غلط و مش في صالح ابنك الدكتور مانع عنه الزياره نهائيا
احمد : طب طمنينا عليه لو سمحتي يا انسه
الممرضه : ادعوله
ندي : يعني ايه هو حالته وحشه اوي كده؟
الممرضه : انا لازم ادخل حالا الدكتور معاه جوه و اكيد محتاجلي بعد اذنكوا
دخلت الممرضه و بعد حوالي خمس دقايق خرج الدكتور
احمد : خير يا دكتور رامي ماله؟
الدكتور : هو كان مصاب بازمه قلبيه شديده جدا وواضح اوي انه كان رافض الحياه لان مكنش فيه اي استجابه للعلاج
ندي : كان.... كان و صرخت بصوت عالي رامي جراله ايه
الدكتور :للاسف احنا عملنا كل اللي نقدر عليه لكن البقاء لله
****************************
بعد مرور خمس سنوات في بيت ام احمد و رنا
يرن جرس الباب تقريبا الساعه الثانيه ظهرا
ام احمد : افتحي يا همس الباب مش قادره اقوم
همس : حاضر يا تيته ثواني بس بسرح للعروسه
ام احمد : يا حبيبتي بسرعه اللي عالباب هيمشي
همس : حاضر خلاص خلصت
جريت همس ناحيه الباب و سحبت كرسي وقفت عليه و من وراه الباب
همس : مين ؟
صوت يرد : افتحي يا هموس انا ............
نكمل الحلقه الجايه
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:35 pm | |
| الحلقه السابعه
بعد مرور خمس سنوات في بيت ام احمد و رنا
يرن جرس الباب تقريبا الساعه الثانيه ظهرا
ام احمد : افتحي يا همس الباب مش قادره اقوم
همس : حاضر يا تيته ثواني بس بسرح للعروسه
ام احمد : يا حبيبتي بسرعه اللي عالباب هيمشي
همس : حاضر خلاص خلصت
جريت همس ناحيه الباب و سحبت كرسي وقفت عليه و من وراه الباب
همس : مين ؟
صوت يرد : افتحي يا هموس انا خالد
همس : هيييييه خالودي استني هفتحلك
فتحت همس الباب و هي لسه عالكرسي و نزلت من عليه شالته بعيد عن الباب
خالد دخل و في ايده شنطه هدايا
خالد : ازيك يا هموستي ؟
همس : الحمد لله انت ازيك؟
خالد : انا تمام الحمد لله طول ماانتي بخير
ام احمد :مين يا همس ؟
همس : ده خالد يا تيته
ام احمد : خالد ابن عمتك ؟
همس : ايوه هو
ام احمد : طب دخليه يا حبيبتي سيباه عالباب ليه
همس : ما هو دخل اهه.... تعالي معايا يا خالد ندخل اوضتي
و شدته من ايده بخفه الاطفال و دخلوا علي الاوضه
همس : ايه رايك في عروستي دي ؟
خالد فتح شنطه الهدايا اللي معاه و خرج منها عروسه جميله اوي
خالد : ايه رايك انتي في العروسه دي ؟
همس : الله دي حلوه خالص
و حضنتها و قعدت تلف بيها في الاوضه و خالد قاعد فرحان اوي و هو شايف همس فرحانه كده
خالد : ها هتسميها ايه ؟
همس : اسميها ؟!
خالد : ايوه مش كل البنوتات بيحبوا يسموا عروستهم باسم ينادوهم بيه؟
همس : ايوه صح صحبتي مسميه عروستها لمياء علي اسم مامتها انا بقي هسميها ... هسميها ... ايوه هسميها روني
خالد : روني؟؟!!!!
همس : ايوه خالو احمد قالي ان بابا كان بيدلع ماما يقولها يا روني صح ؟
خالد و عنيه بدات ترغرغ بالدموع : ايوه صح
همس لاحظت الدموع في عنيه: انت بتعيط ليه يا خالودي ؟
خالد * صعبانه عليا اوي يا همس اتيتمتي بدري اوي نفسي اعملك اي حاجه افرحك بيها .. وحشتني اوي يا خالو الله يرحمك انت و طنط رنا و يحميكي يا همس و يخليكي ليا
همس سرحت مع العروسه و نسيت خالد فضلت تلعب بيها و تسرحلها شعرها و تكلمها
نزل خالد من عند همس بعد حوالي ساعه بيقضيها معاها كل مره يدبق فيها مبلغ كويس من مصروفه عشان يشتريلها هديه
من بعيد بيشاورله سيف ابن عمه
سيف : ايه ياله مش قلت ربع ساعه و تعلالي بقالي ساعه ملطوع في الشارع مستنيك
خالد : معلش الوقت خدني معاها
سيف : و الله طب يلا يا سي روميو عشان هنتاخر عالدرس
خالد : عارف لو سمعت منك كلمه روميو دي تاني اقله هتلاقي قلم نازل علي وشك
سيف : ههههههههه طيب يلا يا رو ...قصدي ياخالودي عشان منتاخرش
خالد : متقولش خالودي انا مبحبش اسمعها غير منها هي و بس
سيف : طب يا عم خلاص انت هتضربني
وبعد الدرس في طريقهم للبيت
خالد : فرحت اوي بالعروسه عارف سمتها ايه ..روني .. اصل خالوا كان بيدلع طنط رنا بروني .. همس دي حلوه اوي يا سيف زي القمر بحسها ملاك اتولد و عاش بس عشاني
سيف : اللي جابلك يخليلك ياابن عمي
خالد : تصدق انت عيل زباله انا همشي لوحدي و مش حاكيلك حاجه تاني
سيف : استني يله خلاص انا اسف
خالد : اصلك زباله متعرفش يعني ايه حب شاطر بس تكلملي عشرين تلاتين بنت في التليفون و خلاص
سيف : هاهاهاي مش احسن مااقعد احب في عيله لسه بتلعب بروني
خالد : لا انا فعلا ماشي
سابه و مشي روح علي البيت
ندي : مجتش ليه يا حبيبي بعد المدرسه تتغدي قبل الدرس؟
خالد : اصلي كنت في مشوار
ندي : مشوار ايه ؟
خالد : ها اه ا ا كن كنت عند همس
ندي : يالهوي همس انت بتستهبل ؟
خالد : متخافيش اخدت بالي و مش شافتني
ندي : طب و ليه يا حبيبي بس تروح هناك ماانا بجيبها كل يوم جمعه تقعد معانا من اول اليوم
خالد : فيها ايه بس يا ماما هو انا كنت عند حد غريب دي بنت خالي و بعدين كنت جايبلها هديه و عاوز اديهالها
ندي :هديه ايه ؟
خالد : عادي يا ماما عروسه لعبه
ندي : هو انت بتدبق مصروفك عشان كده يا خالد
خالد و هو بيغير هدومه : ايوه
ندي : لا حول و لا قوه الا بالله ماانا بجبيلها لعب كتير و كل حاجه بتعوزها لزمته ايه تضيع مصروفك كله عشان تجيب بيه عروسه هتكسرها في يومين
خالد : اولا مش هتكسرها و لا حاجه لانها من القماش ثانيا انا بحب احس اني عملتلها حاجه تفرحها و لو لدقايق فرحتها عندي بالدنيا انا متاكد ان خالو رامي لو كان حاسس باللي هيحصل ده مكنش وصي حد علي همس غيري
ندي : يـــــاربي نفسي مره اغلطك و متبرريش كل حاجه كده انا تعبت من دماغك دي و الله ربنا يهديك ياابني
***************
خرجت من الاوضه و هي متعصبه عالاخر دخل عمر علي خالد و دخلت ندي اوضتها علي مصطفي
مصطفي : مالك متعصبه كده ليه ؟
ندي : ابنك هيشلني
مصطفي : عمر برده الواد ده مش هيعقل بقي زي اخوه
ندي : لا يا سيدي المره دي العاقل
مصطفي : خالد اشمعني ؟
ندي : كان عند همس يا سيدي
مصطفي : و فيها ايه ماانتي عرفاه كان بيحب خاله ازاي
ندي : انت هتجنني انت كمان انت ناسي موقف ماما من همس
مصطفي : ماانتي بتصرفي عليها كل مصاريفها و بتجبيها تقضي معانا يوم الجمعه كل اسبوع مخفتيش من الست والدتك يعني ؟
ندي : انا بعمل كل ده من وراها دي لو عرفت هتغضب عليا ليوم الدين
مصطفي : لما تكوني بتعملي حاجه غلط ابقي استخبي و خبي عيالك لو عملوها لكن لما تبقي بتعملي خير وواجب و كمان مش في حد غريب دي بنت اخوكي يتيمه الاب و الام يبقي ترفعي راسك و تعمليه في النور قدام كل الناس حتي الست والدتك مهما كان رد فعلها فهماني يا ندي
ندي : فهماك يا مصطفي عندك حق بس امي
مصطفي : مفيش بس امال هتعملي ايه لما نجيبها تعيش معانا هنا
ندي : ايــــــــه ؟؟؟؟؟
******************
في اوضه خالد
عمر : ايه ياله امك كانت بتزعق ليه؟
خالد : اتكلم باحترام عشان ارد عليك
عمر : طب يا عم المحترم امك كانت بتزعق ليه ؟
خالد : عشان روحت لبنت خالك
عمر : البت همس و ايه اللي وداك هناك ؟
خالد : بت في عينك احترم نفسك و متقولش عليها بت
عمر : امال اقول البرنسيسه ...ايه اصله ده؟
خالد : اووووف اطلع بره عاوز اتخمد
عمر : طيب متزقش ماشي
خالد * ياتري هقدر انفذ اللي بحلم بيه معاكي يا همس و لا ماما و تيته هيقفوا عقبه في تنفيذه ... لكن لا انا عمري ما هتخلي عن اي حلم من احلامي في المستقبل و هنفذ كل اللي بتمناه و ربنا معايا انا واثق مش هيسبني ابدا ....يــــــــارب
ونكمل الحلقه الجايه ومستنى رائكم فى الحلقه وفى الابطال الجداد
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:40 pm | |
| الحلقه الثامنه
قاعد علي مكتبه منهمك في شغله بيرفع طرف عينه لمحها واقفه قدامه
احمد : ميرنا انتي ايه اللي جابك هنا ؟
ميرنا : وحشتني
احمد : اعتقد ان وجودك هنا مالوش اي معني دلوقتي انتي ست متجوزه
ميرنا : بس انا بحبك انت
احمد : لو سمحتي يا ميرنا تتفضلي من هنا ده مكان شغل
ميرنا : طب ممكن نتقابل بره؟
احمد : لا مش ممكن
ميرنا : ليه بس يااحمد حرام عليك انا لسه بحبك
احمد : انتي مجنونه ناسيه انك علي ذمه راجل لو عرف اللي بتعمليه ده ممكن يقتلك
ميرنا : انا اطلقت
احمد و الدهشه بانت علي ملامحه : اطلقتي .... امته و ليه ؟
ميرنا : من اسبوعين و ليه لاني مبحبوش و بحبك انت مش قادره اعيش معاه
احمد : انتي اللي اختارتي محدش ضربك علي ايدك
ميرنا : لا يااحمد متظلنميش بابا غصب عليا بعد ما مر سنتين علي خطوبتنا و مشافش منك جديد
احمد :لو كنتي عايزه تستنيني كنتي قدرتي تقنعيه لكن للاسف انتي ما صدقتي و دلوقتي بعد ما رماكي رجعالي لا يا مدام انا عمري مااقبل بحاجه زي دي علي كرامتي
ميرنا : بس انت لسه بتحبني و الدليل اهه انك لحد دلوقتي متجوزتش
احمد : ها... لا يا هانم انتي فاهمه غلط انا متجوزتش لحد دلوقتي لاني معنديش استعداد أأمن لاي ست تانيه في الوجود انا خلاص هعيش لنفسي محدش يستاهل اتعب نفسي و اشغل تفكيري بيه
ميرنا : للدرجادي كرهتني؟
احمد : و اكتر بكتير يا ميرنا ...اتفضلي اخرجي من هنا و مش عاوز اشوفك تاني
ميرنا : حاضر يااحمد هخرج بس بتمني ان كلامك ده يبقي من وراه قلبك ... سلام
خرجت ميرنا من المكتب و فضل احمد يفتكر كل ايامه و ذكرياته معاها
* يااااااه اما انتي دنيا صغيره بشكل انا عمري ما كنت اتوقع ان ربنا هيجمعني بيها تاني في مكان .... و مالك مبسوط كده ليه انت لسه بتحبها يااحمد ؟......لا بحبها ده ايه لا طبعا ميرنا خلاص خرجت من حياتي و من قلبي.... انت كداب حبك باين في عنيك ده انت كنت هتدمع و انت بتكلمها يااخي و لا مش حاسس بنفسك .... لا متقولش كده انا خلاص زي ما قلتلها هعيش لنفسي... لا يااحمد انت بتحبها بس كرامتك وجعاك شويه عشان باعتك و اتجوزت غيرك و الدليل زي ما قالتلك متجوزتش حد بعدها .....اسكت بقي و ابعد عني حتي لو كنت بحبها عمري ما هرجعلها و لا هفكر في كده من اصله .
لسه في الاوضه بيتكلموا في حوار همس
ندي : يعني ايه تيجي تعيش معانا و ليه ؟
مصطفي : لانها اولا بنت اخوكي و يتيمه و مفروض انك المسئوله الاولي عنها و ثانيا ام احمد زي ماانتي شايفه تعبانه و كل يوم حالتها بتسوء عن اليوم اللي قابله يعني متقدرش تراعي طفله في سن همس و توفرلها احتيجاتها
ندي : احمد موجود
مصطفي : احمد هو اللي هيقدر يراعي همس يا ندي؟؟!! ده طول النهار في شغله و في الليل مشغول في مشروعه اللي فتحه لحد نص الليل هيجيب منين وقت لرعايه همس
ندي : لا يا مصطفي انا مش مقتنعه بكلامك ده
مصطفي : لا انتي مقتنعه بيه انا متاكد من كده انتي بس خايفه تقولي موافقه الست والدتك تعترض مش كده يا ندي ؟
ندي :............
مصطفي :شوفي يا ندي البيت ده بيتي.. انا بس اللي اقول مين يدخل و مين ميدخلش محدش له الحق انه يعترض غيرك بما انك شريكه حياتي و ام اولادي.. بس عشان اقتنع برفضك لازم يبقي فيه مبرر قوي للرفض ده مش مجرد خوف من الست والدتك ... يا خساره يا ندي كان نفسي انتي اللي تطلبي مني الطلب ده مش انا اللي اطلبه و كمان ترفضي
ندي : يا مصطفي دي امي و رضاها عليا من رضا ربنا
مصطفي : امك غلط و موقفها غلط و انتي عارفه كده كويس يعني ايه رافضه وجود همس و معتبراها السبب في موت رامي ده كلام ميعقلش... موت رامي كان قضاء و قدر محدش ليه دخل بيه... بهمس من غير همس دي ساعته لا كانت هتتاخر دقيقه و لا تتقدم
ندي : طب هقولها ايه بس ده انا بجيبها يوم الجمعه بالعافيه لاني متاكده ان ماما مستحيل هتجيلي في اليوم ده اقوم اجيبها عندي علي طول
مصطفي : اوعي تفتكري باني كنت راضي عن اللي بيحصل ده انا بس كنت بطاوعك عشان مش عاوز اشوفك زعلانه لكن لا كفايه بقي يا ندي انا استحملت كتير تحكمات الست و الدتك فيكي و في حياتنا طول السنين اللي فاتت.... بتحاول بكل الطرق تلغي شخصيتك و انتي مهيالها الفرصه لكده... مش عارف ليه مطلعتيش زي رامي الله يرحمه شخصيتك قويه و تصري علي رايك و كلمتك هي اللي تكون مش كلمه حد تاني حتي لو كان الحد ده الست ماجده والدتك
ندي : كفايه يا مصطفي كلامك بيوجعني اوي
مصطفي : لازم يوجعك عشان تحاولي تغييره انتي مش صغيره
ندي : خلاص يا مصطفي بكره ان شاء الله هروح عند طنط ام احمد و اجيب همس تعيش معانا
************************
جري علي مكتبه فتح اول كتاب قابله و عمل نفسه بيذاكر اول ما سمع الباب بيخبط
ندي : ممكن اتكلم معاك شويه يا حبيبي و لا هعطلك
عمر : لا يا ماما اتفضلي
ندي : انا عيزاك تفضي اوضتك من بكره ان شاء الله
عمر : بجد يا ماما هتخليني ابدل مع خالد و اخد اوضته الكبيره
ندي : لا مش هتبدل انت هتقعد فيها علي طول من غير تبديل
عمر : ليه هو هيطفش من البيت؟
ندي : ايه الالفاظ دي ؟ لا طبعا انت هتقعد معاه في اوضته
عمر : نعععععععععععم .. ليه ان شاء الله ؟
ندي : عشان فيه ضيف هيجيي يعيش معانا و ياخد اوضتك
عمر : مين ده ان شاء الله و اشمعنه اوضتي انا ؟
ندي : همس بنت خالك و اوضتك لانها الصغيره و اوضه خالد هتكفيكوا انتوا الاتنين
عمر : ايه التهريج ده انا مش موافق طبعا و ايه اللي هيجيب همس تعيش هنا ما هي متنيله في بيت جدتها
ندي : احترم نفسك و نفذ اللي بقولك عليه من غير كلام كتير
عمر : هو ايه اصله ده
و قعد يبرطم بالكلام(( همــــــس الـــــروح )) قمه الحب والرومانسيه ..
*****************
تاني يوم نفذت ندي كلام مصطفي و راحت من الصبح عند ام احمد قعدت معاها شويه و بدات تفتح الحوار معاها و تقنعها بالكلام و فعلا اقتنعت بعد ما حست بضعفها و انها خلاص مبقتش تقدر علي رعايتها
نزلت بيها من بيت ام احمد و هي بتستخبي خايفه من ان مامتها تلمحها خدت اول تاكسي مر من قدام البيت و روحت
في البيت
عمر داخل طالع علي خالد و هو بيذاكر يحول في حاجته و خالد مش فاهم حاجه
خالد : ايه ياابني انت جايب كراكيبك دي عندي ليه ؟
عمر : من اولها كده اوف و سابه و راح يكمل تحويل بقيه حاجته
خالد* هو في ايه انا مش فاهم حاجه
دخل عمر تاني و شايل شنطته اللي فيها كتبه مسكه خالد من ايده
خالد : فهمني في ايه بدل ما اخليك تنزل تلم حاجتك من الشارع
عمر : يعني مش عارف؟
خالد : عارف ايه ؟
عمر : الست همس هتيجي تعيش معانا و امك ملقتش غير اوضتي تطردني منها عشان الهانم تنام فيها
خالد : هـــــمس
و نكمل الحلقه الجايه
ومستنى رائكم فى الحلقه
وتصبحوا علي خيييييييييييييييييييييير
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:42 pm | |
| الحلقه التاسعه
حس خالد بكل الاحاسيس الموجوده في الدنيا الحران البردان في نفس الوقت الفرحان الطاير من الفرحه المتوتر اللي بيدور علي اشيك لبس يلبسه و نسي ان همس مجرد طفله صغيره كل اللي يهمها اللعب و التنطيط لكنه كان احساسه بيخيله ان همس عروسته اللي جايه تشوفه و تتعرف عليه لاول مره
وصلت همس مع ندي البيت
كان خالد قاعد في اوضته ماسك كتابه بيحاول يندمج معاه و يذاكر لكن و لاول مره مش قادر يذاكر مبيفكرش غير في همس اللي اخيرا هتبقي جنبه بقيه حياتها يحافظ عليها و يحميها و يذاكرلها و يحسسها بحبه و حنانه اللي مش ممكن هتحس زيه من اي مخلوق في العالم
و اول ماسمع الباب بينفتح قام جري من مكانه ناحيه الباب عشان يكون في استقبالها
دخلت همس بسرعه ناحيه خالد و كانها متشوقه تشوفه عشان يلعب معاها
همس : وحشتني يا خالودي
خالد : انتي وحشتيني اكتر ازيك يا همس عامله ايه؟
همس : انا كويسه و روني كمان كويسه مبسبهاش خالص علي طول معايا
ندي : روني !!!!! روني مين ؟
همس : عروستي اللي خالودي جبهالي استني هوريهالك يا عمتو
خالد واقف باصصلها مبتسم ابتسامه هاديه بيتامل في رقتها و جمالها و حيويتها و عذوبه صوتها و شعرها البني الناعم اللي بيطير علي خدها الابيض المتورد و تزقه بايديها الصغيره الجميله بعيد عن عنيها العسليه الساحره
..
و خرجت العروسه من شنطتها و خالد مستغرب ان العروسه زي ما هي نضيفه جدا و كانها لسه جديده
همس : اهي يا عمتو عسوله خالص
ندي : انتي اللي عسوله يا قمر
همس : هي احلي و لا ماما ؟
مقدرتش ندي ترد علي سؤالها لكنها في لحظه افتكرت اليوم اللي اتولدت فيه همس و كل اللي حصل فيه ..بدايه بموت رنا عشان تجيب الملاك دي للدنيا لحد موت رامي اللي كان بيعشق رنا لدرجه انه مقدرش يعيش من غيرها و لا ساعه واحده في الدنيا
نزلت الدموع علي خدها و بسرعه حاولت تخبيهم من همس اللي استغربت سكوتها و لاحظت الدموع في عنيها
همس : هو انا ليه كل مااسال حد عن ماما يعيط هي كانت وحشه ؟؟
!!
خالد : لالالا يا همس ازاي تقولي كده دي كانت زي القمر امال يعني انتي طالعه قمر كده لمين
ندي : ايوه طبعا يا حبيبتي مامتك دي كانت اجمل بنت في الشارع بتاعنا كله
همس : امال ليه بتعيطوا ؟؟
خالد : ................
ندي
:..................
خالد : مش تيجي تشوفي اوضتك بقي انا قعدت اوضبلك فيها بعد ما عمر لم حاجته منها
همس : هو فين عمر انا عايزه اشوفه
خالد بنبره غضب بانت اوي في صوته
: و انتي عيزاه ليه ؟
همس : اسلم عليه يا خالودي زي ما سلمت عليك
حس خالد بنغزه جامده اوي في قلبه و انه بالنسبه لهمس مش اكتر من ابن عمتها اللي بيحبها و بيجبلها اللعب و الهدايا و علي الرغم من قسوه معامله عمر لهمس احيانا الا انها برده بتسال عليه كل مره بتزورهم لكن بسرعه رجع لعقله و حس اخيرا انها لسه مجرد طفله و ان سؤالها عن عمر ده شئ طبيعي بما انه ابن عمتها
خالد * امته تكبري بقي يا همس و تحسي بيا ياتري هتحبيني زي ما بحبك و لا عمر هيقف في طريق حبي ليكي
ندي : عمر يا حبيبتي عنده درس دلوقتي زمانه علي وصول... مش يلا بقي تيجي تغيري هدومك
همس : حاضر يا عمتو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
علي الغدي قاعدين كلهم علي ترابيزه السفره و الضيفه الجديده ( همس ) قاعده معاهم
مصطفي : نورتي البيت يا قمر
همس بكسوف : شكرا يا عمو
مصطفي : ايه رايك في اوضتك حلوه و لا ناقص فيها حاجه ؟
همس : حلوه او...
قاطعها عمر
عمر : طبعا حلوه يعني مش اوضتي دي تحمد ربنا اني واقفت اخرج منها و اديهالها مش كده يا همس
و خبطها في كتفها لانها كانت علي الكرسي اللي جنبه عالسفره
خالد قام خبطه نفس الخبطه
خالد : انت بتستهبل يله
عمر : و انت مالك انت
مصطفي بصوت عالي : بــــس ... اظن احنا علي سفره بنتغدي يا بهوات مش بنلعب و انت يا عمر بيه لو اتكرر اللي حصل ده هتشوف مني الوش التاني
عمر : انا كنت بهزر معاها يابابا
مصطفي : الهزار ميبقاش بالايد فاهم
عمر : فاهم(( همــــــس الـــــروح )) قمه الحب والرومانسيه ..
ــــــــــــــــــــــــــــــــــــــــــــــــــ ـــ
باليل في وقت النوم الكل متجهه للمكان اللي هينام فيه
دخلت ندي همس اوضتها و مقالتش غير تصبحي علي خير و هي خارجه طفت النور زعقت همس بصوت عالي
همس : لا يا عمتو انا بخاف من الضلمه
ندي : ماشي يا عيون عمتو اسيبلك النور مولع
همس : طيب
خرجت ندي من اوضه همس و قفلت عليها الباب و علي الرغم من ان النور منطفاش الا ان همس لسه خايفه جدا لانها كانت بتنام في حضن جدتها و لاول مره هتنام لوحدها ...فضلت صاحيه تحاول تنام مش قادره
و علي نفس الحال كان خالد اللي مكنش نام بس مش لانه خايف لانه كان بيذاكر
بعد حوالي نص ساعه جت همس علي بال خالد و هو بيذاكر لدرجه انه سرح و نسي الكتاب و المذاكره و فضل يفكر فيها
خالد * لا مش هينفع كده خالص انا مش عارف اذاكر بسببها مش قادر افكر غير فيها ... طب ما خلاص يا خالد بقت معاك وقت ما تحب تشوفها و تطمن عليها هتشوفها ذاكر بقي و انجح و حقق حلمك يا دكتور متضيعش نفسك و تضيعها ... عندك حق هذاكر بس ممكن اقوم اشوفها؟ ... تشوفها ده ايه سيب البنت نايمه و ذاكر ... بس انا حاسس انها ... ايه يا دكتور ؟ ... مش عارف انا هقوم و خلاص هفتح الباب بالراحه و اطل عليها و اقفله ماشي ماشي صح انا قايم
قام خالد بسرعه و كانه خايف ليرجع في كلامه و هو في الطريق و ميشفهاش فتح الاوضه بالراحه حست همس ان الباب اتفتح و خصوصا انها لسه صاحيه قامت بسرعه من علي السرير و كانها كانت في حفره و جيه اللي هيخرجها منها في البدايه مكنتش تعرف مين اللي دخل لكن اول ما شافت خالد النور ملي وشها
خالد : ايه ده انتي لسه صاحيه ؟
همس : مش عارفه انام يا خالودي
خالد : ليه يا همس ؟
همس : علشان انا عمري ما نمت لوحدي تيته كانت بتنام جنبي و انا خايفه اوي ممكن تنام معايا
خالد : انام معاكي ؟؟!!! لا طبعا ميصحش ان ولد ينام مع بنت عسوله زيك كده انا ممكن افضل معاكي لحد لما تنامي اتفقنا
همس بفرحه : هيييييييييه اتفقنا
خالد : و دلوقتي بسرعه علي سريرك
جريت همس علي سريرها و هي فرحانه اوي انه هيفضل جنبها لحد لما تنام
همس : خالد هو انت في سنه كام ؟
خالد :انا يا ستي في تالته اعدادي
همس : ياااااه ده انت كبير خالص ده انا لسه في سنه اولي اعدادي
خالد : هههههههه اولي اعدادي ؟؟
همس : ايوه يعني انت اكبر مني بواحد اتنين تلاته... تلاته بس
خالد : ههههههههههه لا غلط انتي في اولي ابتدائي لكن انا في اعدادي فاهمه حاجه؟
همس : لا
خالد : ههههههههه افهمك بصي يا ستي اولي ابتدائي دي اول مدرسه بيدخلها اي حد بيتعلم يقعد فيها خمس سنين و بعدين يروح علي اعدادي تلات سنين
همس : يعني انت اكبر مني ب واحد اتنين ......
و في سرها بدات تعد سبع سنين
خالد : برافو عليكي يا هموسه يا جميله بسم الله ماشاء الله عليكي
همس : متشكره يا خالودي طب ممكن سؤال تاني؟
خالد : لا ممكن تنامي انتي عندك مدرسه الصبح و انا كمان عندي
همس : عشان خاطري واحد بس
خالد : ماشي قولي
همس : هو انا هاروح عند بابا و ماما امته ؟
اتخض خالد من سؤالها و بدا تتغير ملامحه
خالد : بعد الشر عليكي يا حبيبتي ليه بتسالي السؤال الغريب ده ؟
همس : اصل تيته قالتلي ان بابا و ماما ماتوا و راحوا الجنه و كلنا هنروحلهم و انا عايزه اشوفهم اوي
خالد : لا يا همس متقوليش كده عشان خاطري يا حبيبتي
همس بحزن : ليه هو انا مش هروح عندهم و لا ايه انا نفسي يبقي ليا بابا و ماما زي كل اصحابي يوصلوني المدرسه و يحضرولي شنطتي و لبسي و سندوتشاتي و يكتبوا الواجب معايا و يحكولوي حواديت قبل ماانام زي شهد صاحبتي ما باباها و مامتها بيعملوا معاها
خالد : يعني هو ده بس كل اللي انتي عيزاه ؟
همس : ايوه نفسي في بابا و ماما يعملوا معايا كده
خالد : طب مينفعش خالودي ؟
همس : ازاي بقي ؟
خالد : انا ممكن اعملك كل الحاجات اللي قلتيها دي اوصلك المدرسه و اجيبك منها كل يوم و احضرلك شنطتك و لبسك و سندوتشاتك و اذاكر معاكي و نحل الواجب بتاعك سوي و كمان يا ستي احكيلك حدوته قبل ما تنامي
همس : بجد يا خالودي
خالد : بجد يا حبيبه خالودي
همس : طب يلا احكيلي حدوته
خالد : انتي تؤمريني يا قمر
بدا خالد يحكي حدوته لهمس بطريقه لبقه جدا و لطيفه خلتها تنام و هي فرحانه بانها اخيرا لقت الشخص اللي هيعوضها عن فقدان حنان امها و ابوها
خرج خالد من الاوضه بهدوء و طفي النور و قفل الباب بعد ما طل عليها طله اخيره بابتسامه جميله و في سره تصبحي علي خير يااجمل همس
طلع علي البلكونه اللي في الصاله
خالد * معقوله يا همس حاسه بكل النقص ده لدرجه انك بتتمني الموت عشان تروحي لمامتك و باباكي ياااااااه انا ازاي مكنتش حاسس باللي فيكي ده كله ... لا من هنا و رايح انا هعملك كل اللي بتتمنيه و كل حاجه نقصاكي هحاول علي قد مااقدر اوفرهالك و ربنا يقدرني
بعد حوالي خمس دقايق سمع صرخه عاليه من اوضه همس و بسرعه جري علي اوضتها فتح الباب و النور و دخل قامت همس من مكانها و اترمت في حضنه
لاول مره بيحضنها و تحضنه علي الرغم من انها مجرد طفله صغيره لكنه عمره ما فكر انه يحضنها الا انها المره دي هي اللي جريت عليه اترمت في حضنه بكل قوتها نامت براسها علي صدره فضل حاضنها و نسي صرختها مبقاش فاكر حاجه و لا حاسس بحاجه غير انه فرحان مرتاح قلبه بيرقص بشده من كتر دقاته
همس : انا خايفه اوي يا خالد متسبنيش لوحدي انام في الضلمه
خالد : انا جنبك يا حبيبتي متخافيش
بعد دقايق سمع صوت من وراه بيقول
((انتوا بتعملوا ايه ؟؟))
و نكمل الحلقه الجايه
يارب الحلقه تعجبكوا و تكون طويله و ان شاء الله هحاول انزل واحده جديده
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:44 pm | |
| الحلقه العاشره
همس : انا خايفه اوي يا خالد متسبنيش لوحدي انام في الضلمه
خالد : انا جنبك يا حبيبتي متخافيش
بعد دقايق سمع صوت من وراه بيقول
((انتوا بتعملوا ايه ؟؟))
اتفاجا خالد بعمر واقف وراه و شاف همس و هي مرميه في حضنه حس بربكه شديده و بعد همس بعيد عنه
خالد : انت ايه اللي صحاك ؟
عمر : بقولك بتعملوا ايه ؟
خالد : هنكون بنعمل ايه همس كانت خايفه عشان نايمه لوحدها في الضلمه و انا بحاول اهديها
عمر بخبث : يا حنين طب ما تيجي انا كمان اهديكي شويه يا همس
سحب عمر همس ناحيته بقوه و حضنها جامد اوي بطريقه استفذت خالد سحب منه همس و بعدها عنه
خالد : انت عبيط و لا بتستعبط ايه اللي بتعمله ده ؟
عمر : يا سلام بعمل زي ماانت عملت و لا انت احسن مني يعني
خالد : متستهبلش يا عمر احسن و الله اربيك من جديد
عمر : انا متربي غصب عنك و المشهد الغرامي اللي انا شفته ده مش هيعدي علي خير
خالد: غرامي ايه و زفت ايه اتلم يا عمر و تعالي يلا علي اوضتنا عشان همس تنام
عمر : ماشي ياااااااا روميو
خرج عمر من اوضه همس مع خالد بعد ما سبب ليها خوف شديد جدا من معاملته ليها و كلامه اللي تعتبر مش فاهمه نصه
اما خالد قلق جدا من اللي شافه عمر مش خوف من موقفه قدام باباه و مامته لو فتن عليه لكن الخوف الاكبر ان الموقف ده يكون سبب في انه ينحرم من همس من جديد و ترجع تعيش عند جدتها
اما عمر فخاف يكبر الموضوع لان باباه لو صحي هتنقلب مناحه و احتمال فيها علقه جامده جدا لو كان اتخانق هو و خالد(( همــــــس الـــــروح )) قمه الحب والرومانسيه ..
في اوضه خالد و عمر كل واحد نايم علي سريره مفتح عينه بيفكر في الموقف اللي حصل
عمر بيفكر ياتري هيقول لماماته و باباه علي اللي شافه و لا يستفز خالد بيه دايما عشان ينفذ طلباته اللي مبتخلصش
لكن خالد بيفكر في قلقه اللي سيطر عليه في ان الموضوع ممكن يوصل لان همس تبعد عنه تاني كمان بيفكر فيها دلوقتي و هي نايمه لوحدها خايفه من الموقف اللي حصل و من الضلمه و النوم لوحدها
خالد* ربنا يستر عليكي يا همس اااااه لو تتخمد و تنام يا زفت انت عشان اقوم اطمن عليها
التفت عمر براسه ناحيه خالد و هو علي سريره
عمر : انت بتحبها يله ؟
انقلب خالد بسرعه ناحيه عمر و بقلق شديد جدا بان اوي في عنيه قال
خالد : انت بتقول ايه بحبها ازاي يعني ؟
عمر : زي مااي واحد بيحب واحده
خالد : بطل هبل يا عمر و نام انا مش ناقصك
عمر : ههههههه و الله انت واقع لشوشتك كمان
خالد : اتخمد يا عمر و مش تتخيل حاجات و تصدقها
عمر : طب عيني في عينك
غمض خالد عينه و لف براسه الناحيه التانيه
عمر : ههههههههه مش بقول واقع
خالد * يا نهار مش فايت هو انا باين عليا اوي كده عرف منين ده .... انت ناسي ان عمر لماح و صايع ده كل يوم مع بنت شكل .... يعني و صياعته دي متيجيش غير علي دماغي امال لو كبير شويه كان عمل فيا ايه ... اهه نصيبك بقي وقعك في اخ بيفهم .... ربنا يستر و محدش ياخد باله تاني .... يالهوي ده لو حد حس تاني تبقي رحت في داهيه .... يا عم مش مهم انا المهم هي انا كل اللي اتمناه انها تبقي في خير و امان انا في داهيه ان شاء الله انطرد من البيت و تفضل هي تحت رعايتهم .... يا راجل و هتستفاد ايه وقتها و انت حتي مش هتشوفها لو انطردت .... يا عم انت شايف ابويا قام طردني اتخمد نام
الصبح علي السفره
مصطفي : وصلي انتي همس لمدرستها يا ندي عشان انا اتاخرت اوي المفروض اكون في المطار بعد ساعه
ندي : حاضر يا حبيبي روح انت توصل بالسلامه و خلي بالك من نفسك
مصطفي : ان شاء الله يا حبيبتي عاوزه حاجه اجبهالك و انا جاي ؟
ندي : عاوزه سلامتك
مصطفي : ربنا يخليكي ليا ... و انتوا يا ولاد حد نفسه في اي حاجه اجبهاله معايا
عمر : انا يا بابا عاوز لاب توب ممكن ؟
مصطفي : ماانت عندك الكمبيوتر يا عمر
عمر : يا بابا خالد بيفضل عليه طول النهار يلعب جيمز و انا حتي الوقت اللي ببقي خلصت فيه مذاكره مش عارف اقعد شويه عليه
خالد بغضب : انا برده اللي بقعد العب جيمز طول النهار؟؟ً!!
بص عمر لخالد نظره تهديد و وطي عليه و في ودنه
خف شويه بدل مااقول علي اللي شفته و ذنبك علي جنبك
خالد : هاتله اللي هو عايزه يا بابا برده الكمبيوتر مبقاش ينفعنا احنا الاتنين
عمر في سره بسخريه : ايوه كده ناس مبتجيش غير بالعين الحمره
مصطفي : خلاص هشوف حوار اللاب توب ده... و انتي يا هموس مش عايزه حاجه يا قمر
همس : لا شكرا يا عمو
مصطفي : طيب سلام بقي يا ولاد و خلوا بالكوا من نفسكوا
كلهم في نفس واحد : ان شاء الله
مصطفي كان مسافر زي عادته في شغل لالمانيا
بعد ما خرج مصطفي جري خالد علي ندي و اخدها بعيد عن عمر
خالد : ماما ممكن اطلب منك طلب ؟
ندي : قول يا خالد بس بسرعه عشان اتاخرت
خالد : ممكن اوصل انا همس لمدرستها ؟؟
بصتله باستغراب :اشمعنه يعني ده انت مدرستك في الشرق و هي مدرستها في الغرب
خالد : لا ماانا هعدي علي سيف في طريقي عشان يسليني يعني و انتي عارفه بيته في طريق مدرستها و كمان انتي اتاخرتي علي شغلك و انا لسه علي مدرستي ساعه
ندي : اه طيب ماشي يا خالد خدها معاك بس خلي بالك منها
خالد : دي في عنيا يا ماما
راح خالد ناحيه همس
خالد : يلا يا همس انا اللي هوصلك علي مدرستك
همس : بجد يا خالودي
خالد : ايوه انا قلت لماما و وافقت
عمر : طب انا جاي معاكوا
خالد : تيجي معانا فين ؟
عمر : هو مش انا و انت في مدرسه واحده باين و لا انا مش واخد بالي؟
خالد : بس انت عمرك ما مشيت معايا و بعدين انا هوصل همس و اعدي علي سيف يعني مشوار مالكش فيه
عمر : و الله طب و زعق بصوت عالي يا مــــامــــا
خالد حط ايده علي بقه : خلاص اخرس تعالي يااخويا بس بسرعه
مرت الايام و اهتمام خالد بهمس بيزيد كل يوم عن اللي قبله و برده استفزاز عمر لخالد بيزيد مع زياده الاهتمام ده
عمر كان غيران جدا من حب همس و تعلقها بخالد اكتر منه.. كان بيفكر في كل يوم يفتن علي خالد و علي اللي شافه مع همس لكن كان عنده استفزاز خالد و تحكمه فيه اهم و الذ ..كمان كان علي طول علي قلبه و هو بيوصلها المدرسه الصبح يرخم عليها و عليه و خالد طبعا مش قادر يتكلم
في يوم التليفون بيضرب حوالي الساعه 6 العصر
ندي بصوت عالي : رد يا خالد ايدي مش فاضيه
خالد : حاضر يا ماما
رد خالد علي المكالمه اللي مكملتش 3 دقايق و جري بسرعه ناحيه ندي
خالد : الحقي يا ماما تيته جايه دلوقتي
ندي بخوف شديد : ايه جايه فين ازاي يالهوي همس
خافت ندي من مواجهه مامتها و انها تعرف بوجود همس في بيتها فضلت تفكر ازاي تخلص من الموقف ده و تودي همس علي فين عشان مامتها متشفهاش
بسرعه خطر علي بالها فكره
ندي : خالد انت خلصت دروسك النهارده يا حبيبي
خالد: ايوه يا ماما خلصت ليه ؟
ندي : الحمد لله ... انا عيزاك تاخد همس و تنزل تفسحها
خالد و الفرحه اترسمت علي وشه : بجد .... قصدي ماشي موافق و هتاخر علي قد مااقدر عشان تيته تكون مشيت
ندي : ربنا يخليك ليا يا حبيبي بس خلي بالك منها و متتاخروش اوي بره هما ساعتين و جدتك هتمشي
خالد : حاضر يا ماما
خرج خالد مع همس و هو فرحان جدا بوجوده معاها ... اول مره هيخرجوا لوحدهم يتفسحوا مفيش مدرسه و لا حتي عمر لانه كان وقتها في الدرس
خالد: ها تحبي تروحي فين يا قمر ؟
همس : امممم اروح الملاهي
خالد : ياااااااااه مدخلتهاش من زمان اوي
همس : انا بقي مدخلتهاش غير مره واحده بس
خالد بحزن : ليه كده ؟
همس : رحت انا و خالوا احمد لما غاب مره من الشغل و مغابش بعدها
خالد : خلاص انا كل شويه هوديكي علي الملاهي ايه رايك؟
همس بفرحه جميله : انت احلي خالد في الدنيا
خالد : و انتي اجمل هموسه في العالم ده كله
همس بتلقائيه : انا بحبك اوي يا خالد
التفت خالد ناحيه همس بسرعه كان متفاجا بالكلمه علي الرغم انه عارف انه احساس طبيعي و كلمه طبيعيه خرجت بتلقائيه بسبب معاملته الحنينه ليها و تنفيذ كل طلباتها الا انها كانت بالنسبه له اهم و اجمل كلمه سمعها في حياته اول كلمه بحبك يسمعها من همس
خالد * يا تري هسمع الكلمه دي تاني و تكون من قلبك يا همس
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:46 pm | |
| الحلقه الحاديه عشر
بعد مرور حوالي اسبوع علي زياره ام رامي لندي حبت تعمل لبنتها مفاجاه يوم عيد ميلادها اللي كانت هي نفسها نسياه و تزورها من غير ميعاد
الباب بيخبط .... ندي في اوضتهاو مصطفي مسافر و خالد بيذاكر اما عمر ففي الدرس و همس قاعده بتلعب بعروستها ( روني ) في الصاله سمعت الباب بيخبط و بسرعه جريت عليه و سحبت كرسي و فتحت الباب و كانت المفاجاه
همس برعب : تيته
جريت همس بسرعه ناحيه اوضه خالد تستخبي فيه من جدتها اللي دايما تعاملها بمنتهي القسوه في المرات القليله اللي شافتها فيها من يوم مااتولدت
ام رامي : همس !!! و بصوت عالي انتي يا ست ندي يا ندي هانم
ندي اتنفضت من مكانها بمجرد ما سمعت صوت مامتها وبسرعه جريت علي بره يمكن تلحق تخبي همس لكن بعد ايه
في اوضه خالد
اتفتح الباب بقوه شديده جدا و دخلت همس تجري علي خالد تستخبي فيه
همس : الحقني يا خالد الحقني
خالد بقلق : في ايه يا همس مالك مين اللي كان بيخبط؟
همس : تيته تيته يا خالد انا خايفه اوي
خالد : تيته ..... طب اهدي اهدي يا حبيبتي مش هتعملك حاجه
همس : لا هتضربني و تزعقلي
خالد : لالالا متخافيش انا معاكي اهه مش هتقربلك
********************
في الصاله
ام رامي : البت دي بتعمل ايه هنا يا ندي ؟
ندي : اصل يا ماما أ أ أ ه
ام رامي : أ ... أيه انطقي
ندي : اصل مصطفي طلب مني اجيبها تــ تـــ تعيش معانا
ام رامي : ايه انتي بتقولي ايه تعيش مع مين انتي اتهبلتي انتي و جوزك دي بت نحس دي هتموت عيالك و تموتكوا وراهم
ندي : ايه اللي بتقوليه دي بس يا ماما بعد الشر
ام رامي :ماانتي جبتي الشر كله علي بيتك يا هانم انتي نسيتي البت دي عملت ايه في اخوكي و امها كمان
ندي : يا ماما حرام عليكي و هي ذنبها ايه بس ده نصيبهم و اجلهم كان لحد كده
ام رامي : لا دي بت نحس موتت امها و بعدين ابوها ابني حبيبي وحيدي اللي مكنش ليا غيره... يا حبيبي يا رامي اختك عايزه تحرمني منها و من عيالها ياريتك ما اتجوزت يارامي و لا عرفت المخفيه اللي اسمها رنا ياريتها ما كانت خلفت و لا جابت البت دي للدنيا ابدا
ندي : لا يا ماما حرام عليكي انتي كده بتعترضي علي قضي ربنا كل اللي حصل ده قضاء و قدر لا همس و لا انا و لا انتي كان ممكن نغيره
ام رامي : انا مش عاوزه اسمع منك و لا كلمه و البت اللي جوه دي ترميها تاني عند مني احنا مش ناقصين نحس و قرف
ندي : مينفعش يا ماما طنط مني تقريبا مبقتش تتحرك من مكانها مين اللي هيراعي طفله صغيره زي دي ؟
ام رامي : دي مش مشكلتنا دي مشكلتهم هما يحلوها احنا ملناش دخل فيها... روحي ارميها في ملجأ تتربي فيه
ندي : دي بنت ابنك الوحيد دي الحاجه الوحيده اللي باقيلنا منه ازاي عيزاني ارميها في ملجأ ازاي يا ماما ؟
ام رامي : ابني خلاص مات و اندفن في التراب و هي السبب في كل ده
ندي : عشان خاطري يا ماما و حياه رامي و غلاوته في قلبك سيبي همس تعيشي معايا اربيها في وسط ولادي عشان رامي يرتاح في قبره يا ماما رامي كان علي طول يجيلي في الحلم يقولي انا مش مطمن مش مرتاح يا ندي ريحيني يا ندي معرفتش معني الحلم ده الا لما مصطفي طلب مني اجيب همس عندي و جبتها تعيش معايا من يومها مجاليش رامي خلاص ارتاح... العذاب اللي كان فيه انتهي بمجرد ما جبت بنته تعيش معايا في حضن ام بديله لامها اللي اتحرمت منها و هي لسه عمرها يوم و اب حنين عليها يعوضها عن رامي حبيبك يا ماما
بدات الام عنيها تدمع و يرق قلبها لكلام ندي و زي ما يكون ربنا نزل عليها ملاك يحنن قلبها و يبعد شيطانها عن همس في اللحظات دي تاثرا بكلام ندي بعد ما فكرتها باغلي انسان عندها في الوجود ( رامي )
ام رامي بعصبيه و صوت عالي : خلاص خليها خليها يا ندي بس انا مش مسئوله عن اي نحس هيدخل بيتك او اي مصيبه تحصل لولادك
ندي بفرحه : ربنا يخليكي ليا يااجمل ام ان شاء الله مفيش نحس و مفيش حاجه هتحصل وحشه ان شاء الله دي همس دي ملاك صدقيني لو قربتي منها هتحبيها و تاخديها في حضنك دي كلها رامي في كلامها و ضحكتها و حنيتها صدقيني هتحبيها اوي بس ادي لنفسك فرصه تقربي منها
ام رامي اتهربت من كلام ندي و زي ما يكون شيطانها رجع يوسوسلها من تاني
ام رامي : انا ماشيه و خلي بالك من ولادك و مش عايزه اشوف البنت دي ابدا لما اجي تخفيها من قدامي لحد ماامشي
ندي : برده
ام رامي و هي ماشيه ناحيه الباب
ام رامي : اااه كل سنه و انتي طيبه سلام
ندي : و انتي طيبه يا ماما .... سلام ... ربنا يحنن قلبك علي همس و تحبيها يارب
***************************
خرج خالد من اوضته يتسحب بعد ما الصوت العالي هدي و هو مرعوب يمكن اكتر من امه احسن جدته تصر ان همس تمشي من البيت و ان ندي توافق علي كلامها
طلع الصاله ملقاش حد دخل علي مامته اوضتها
ندي : ادخل يا خالد
خالد : هي تيته مشيت؟
ندي : انت شايف ايه ؟
خالد : طب و همس ؟
ندي : مالها همس ؟
خالد : هترجعيها عند جدتها تاني ؟
ندي : لا هتفضل معانا هنا
خالد : بجد و الله هتفضل هنا يعني تيته وافقت انها تفضل معانا ؟
ندي : ايوه وافقت
جري ناحيه مامته و باسها من خدها و ساب الاوضه و بسرعه علي همس اللي سابها في قمه الخوف و الرعب
خالد : خلاص يا هموس خلاص تيته مشيت و هتفضلي هنا معانا محدش هيقربلك و لا حد هيزعلك ابدا ابدا
همس : بجد مشيت يا خالد
خالد : بجد يا حبيبه خالد
*****************************
بعد مرور 6 شهور اتوفت ام احمد و اصبح احمد وحيد في الدنيا مالوش اي حد غير همس بنت اخته الوحيده
راحلها شغلها يسلم عليها قبل ما ينفذ قراره بالسفر لاحد البلاد العربيه يمكن الغربه تنسيه فراقه لاعز حبايبه
ميرنا : احمد !!!!
احمد : ممكن نتكلم في مكان بره شويه مش هعطلك
ميرنا : طبعا ممكن
في الكافيه
ميرنا : وحشتني اوي يااحمد
احمد :........
ميرنا : كنت متاكده اني مش ههون عليك و انك هتجيني تاني
احمد : انا جاي عشان .... عشان اسلم عليكي قبل مااسافر
ميرنا : تسافر !!!
احمد : ايوه هسافر كمان يومين
ميرنا : يومين و انا اللي فاكره انك جاي ...... و هتسافر ليه يااحمد ؟
احمد : مبقاش ليا حد اقعد في مصر عشانه امي ماتت و اختي و صاحبي الانتيم و همس عايشه مع عمتها مبقتش طايق العيشه هنا كل مكان بيفكرني بحبايبي اللي سابوني كلهم و بقيت وحيد
ميرنا : و انا ... انا يااحمد منفعش تستني عشاني
احمد : ميرنا انتي بقيتي ماضي في حياتي مينفعش يرجع تاني و اللي اتكسر في قلبي صعب اوي يتصلح
ميرنا : قلتلك كان غصب عني ليه مش عاوز ترحمني انا بحبك
احمد : انا مش جاي اتكلم في الماضي انا جاي عشان اسلم عليكي قبل ماامشي يا عالم هرجع تاني امته
ميرنا : حرام عليك يااحمد استني عشاني انت لسه بتحبني انا واثقه من كده
احمد و عنيه كلها شوق و حب و حزن و دموع : انا لازم امشي دلوقتي يا ميرنا مينفعش استني اكتر من كده
ميرنا : هستناك انا متاكده انك هترجعلي تاني
احمد : خلي بالك من نفسك ... لا اله الا الله
ميرنا و الدموع علي خدها : محمد رسول الله
**********************
فاتت سنين كتيره كبر فيها الصغير و عجز فيها الكبير و الدنيا اتغيرت من كل جوانبها
خالد دلوقتي في السنه السابعه و الاخيره لكليه الطب اما همس فهي في الثانويه العامه و عمر في كليه حقوق بياخد السنه في سنتين
و مصطفي كبر و بقي بيزنس مان مهم جدا و ليه اسمه في اسكندريه و اتنقلوا لفيلا كبيره في العجمي اما ندي فبقت من اهم سيدات المجتمع اللي ليهم اسمهم و مكانتهم لكنها متشغلتش ابدا عن بيتها و جوزها و اولادها و كمان عن همس
خالد قاعد منهمك في مذاكرته و باب اوضته خبط
خالد : ادخل
دخلت همس عليه بقت بنوته جميله اوي بتتميز بالرقه و الجمال و الحيويه و خفه الدم و الذكاء
همس و هي لسه واقفه عند الباب : هعطلك لو اتكلمت معاك شويه
خالد : انتي الوحيده في البيت ده اللي من حقها تعطلني .. تعالي ادخلي
دخلت همس قعدت علي الكرسي قصاد المكتب
خالد : ها اتكلمي كلي اذان صاغيه
همس : كنت عايزه اخد رايك في موضوع ... لالا اتنين ممكن ؟
خالد : عشره لو تحبي يا هموس
همس و هي عنيها في عنيه بيتحرك نيني عنيها مع كل حركه من نيني عنيه
همس : اول موضوع خاص بالفيزيا اللي عقدتني دي
خالد : يااااه الفيزيا بقت موضوع ؟
همس : و موضوع وحش اوي كمان
خالد : لا و لا وحش و لا حاجه دي ممتعه جدا و هموس قدها و قدود مش كده و لا ايه يا مساعدتي يا جميله انتي
همس : مساعدتك لالالا انا مقبلش بكده ابدا انا هنافسك يا حبيبي في سوق الطب و هفتح عياده تخليك تقلب عيادتك لمحل كشري
خالد رنت في ودنه كلمه حبيبي اللي بيسمعها منها كتير و مع انه عارف انها كلمه عاديه بتقولها بتلقائيه متقصدش اللي بيفكر فيه لكن قلبه بيتنفض و روحه بتبقي طايره في السحاب و مع ذلك حاول يتماسك و يرد عليها بنفس طريقتها علشان متاخدش بالها
خالد : ده انا اللي هبقي اجي اكل عندك طعميه لما تفلسي و متلاقيش حتي تفتحي كشري(( همــــــس الـــــروح )) قمه الحب والرومانسيه ..
همس : هههههههههههههههه هنشوف
خالد : ههههههههههههههه هنشوف مين فينا اللي هيشوف ... المهم قوليلي سؤالك
بدات تسال سؤالها و يشرحلها اللي هي مش فهماه و بعد ما خلص
همس : يخربيت دماغك ياابني انت مالكش في الطب انت تفتح قاعه للدروس الخصوصيه هتكسب دهب
خالد : يخربيت دماغك انتي اللي مشرداني معاها مره كشري و مره دروس خصوصيه
همس : هههههههههه لا بجد و الله انت ممتاز بتشرح بطريقه سهله اوي مدرس الفيزيا نفسه مبيعرفش يشرح زيك كده
خالد : ده بس عشان بشرح لهمس
همس بخجل : ربنا يخليك لهمس
ابتسم خالد و عنيه كلها شوق و هي كانت علي نفس الحاله فضلوا ساكتين شويه و عنيهم في عنين بعض بعدها
خالد : أ أ أ ... ايه هو الموضوع التاني اللي كنتي عوزاني فيه ؟
همس : اه ده موضوع كده بس شخصي شويه
خالد : و الله و بقي ليكي شخصيه يا مفعوصه
همس : المفعوصه كبرت و بتحب
اتفاجا خالد بكلمتها و وشه قلب الوان و الابتسامه و الشوق اللي كانوا في عنيه اتقلبوا لخوف و قلق و عصبيه خباها جواه
وانتظرونى الحلقه الجايه هتحصل فيها
حجات جامده اوووووووووى وهتعجبكم
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| |
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:53 pm | |
| الحلقه الثالثه عشر
اتخضت ندي علي خالد اللي حرارته كانت عاليه اوي و جريت تجيب تلج تعمله كمادات و اتصلت بسرعه علي مصطفي في مكتبه و بلغته بتعب خالد و كان بعد نص ساعه وصل البيت و معاه دكتور صديق العيله
مصطفي : طمني يا دكتور ماله خالد؟
الدكتور : مالوش لازمه القلق ده كله يا مصطفي دول شويه تعب بسيطه بس بسبب الارهاق و التعب
ندي : يعني مفيش حاجه تانيه يا دكتور ؟
الدكتور : لا بعد الشر مفيش اي حاجه هو بس محتاج شويه راحه مش اقل من يومين مع الدوا ده و يتعمله كمادات باستمرار لحد لما الحراره ترجع للمعدل الطبيعي و باذن الله هيبقي تمام
مصطفي : ان شاء الله
ندي : يارب
الدكتور : و الله ماله لازمه القلق ده خالص ايه يا جماعه انتوا اول مره عندكوا حد يتعب و لا ايه ده خالد يعني بسم الله ما شاء الله عليه بقي راجل و دكتور قد الدنيا
ندي : خالد ده الغالي حبيب الكل لو منقلقش عليه هنقلق علي مين
الدكتور :ربنا يخليهولكوا و يخليكوا ليه.. استاذن انا بقي و هاجي اطل عليه كمان يومين
مصطفي : ان شاء الله يا دكتور ... اتفضل
داخل عمر من باب الفيلا و الدكتور خارج
الدكتور : ازيك يا عمر
عمر : تمام يا دكتور الحمد لله
الدكتور : السلام عليكم
مصطفي و عمر : و عليكم السلام
عمر : في ايه يا بابا دكتور محمود كان بيعمل ايه هنا ؟
مصطفي : خالد اخوك تعبان شويه
عمر : ايه ؟؟؟ خالد ..!!!
جري علي اوضه خالد لقاه نايم و ندي بتعمله كمادات
عمر بلهفه : خالد
ندي : هوووش بس هتصحيه
عمر : هو في ايه يا ماما خالد ماله ؟
ندي : شويه تعب بسبب الارهاق انت عارف اخوك بيرهق نفسه اوي في المذاكره و السهر طول الليل
عمر : اه .. طب و الدكتور قال ايه ؟
ندي : قال هيبقي كويس بس نعمله كمادات و يستريح يومين
عمر : ده يستريح ده ... ده بيكرها الراحه عمي انا عارف طالع لمين
ندي : بطل رغي يا عمر اخوك نايم
عمر : حاضر بس انا عاوز اطمن عليه
ندي : لما يصحي ابقي تعالي اطمن عليه
عمر : طيب
رجعت همس من درسها دخلت الفيلا ملقتش حد خالص طلعت علي فوق في طريقها لاوضتها قابلت عمر خارج من اوضته
عمر : ازيك يا بت عامله ايه ؟
همس : احسن منك
عمر و هو حاطط ايده علي خدها : مش هتبطلي طوله لسان بقي ؟
همس و هي بتشيل ايده : لا اذا كان عاجبك
عمر و حط ايده علي خدها تاني : عاجبني يا مزه يا قمر
همس و شالت ايده تاني بنرفزه : مزه ؟؟!! دي كلمه تقولها لبنت خالك امال البنات التانيه بتقولها ايه
عمر : تعالي و انا اقولك في ودنك
همس : لا شكرا
و سابته و مشيت
عمر : طب مش تروحي تطمني علي خالودك؟
همس وقفت بسرعه و باهتمام شديد سالته
همس : خالد ؟؟؟؟ ماله خالد في ايه ؟
عمر : ده تعبان خالص و جابوله دكتور و دوا و حقن يالهوووووي بلاوي يابنتي
همس بقلق شديد: انت بتقول ايه خالد ؟
عمر : اقعدي بقي معلقه خالد خالد روحي اطمني عليه بدل الخوته اللي انتي عملهالي دي
جريت همس علي اوضه خالد بسرعه و بلهفه شديده جدا دخلت لقت عمتها معاه و لسه بتعمله في الكمادات
همس : ماله خالد يا عمتو ماله ؟
ندي : شويه سخونيه يا حبيبتي و ان شاء الله هيبقي كويس
همس : طب من ايه ايه اللي حصل ده كان امبارح كويس اوي
ندي : قدر الله و ماشاء فعل
همس : و نعم بالله
ندي : بقالي 3 ساعات بعمله كمادات و الحراره بتنزل بالذق
همس : امال الدكتور عمل ايه مدالوش حاجه تنزل الحراره ليه ؟
ندي : اداله لكن الكمادات اهم بكتير من اي دوا
همس : ربنا يستر
قعدت جنبها و بعد حوالي ربع ساعه
همس : قومي انتي استريحي يا عمتو شكلك تعبتي اوي انا هقعد مكانك
ندي : بس انتي يا حبيبتي عندك مذاكره
همس : لا انا معنديش حاجه مهمه النهارده اتفضلي انتي و متقلقيش
ندي : ماشي يا همس بس لو حصل حاجه تعالي ناديني بسرعه
همس : حاضر
خرجت ندي و قربت همس من خالد قعدت جنبه علي السرير و غصب عنها عنيها دمعت حستت علي شعره بعد ما حطت المنديل علي راسه فضلت ساكته تبصله و هو نايم
بعد كام ساعه
جت عمتها بدلت معاها و باليل جت هي تاني تبدل مع عمتها
بدات الحراره تنزل و تستقر و حست همس بالتعب فنامت غصب عنها علي الكرسي اللي هي قاعده عليه
صحي خالد اخيرا و هو حاسس بصداع في راسه من السخونيه و النوم الكتير بيبص جنبه لقي همس نايمه علي الكرسي قام بسرعه من مكانه و حاول يصحيها لكن
خالد : همــ
رجع في كلامه بعد ما حس انها اكيد نايمه كده من التعب و سابها فضل يبصلها اوي و هو مبسوط جدا بوجودها جنبه
خالد بصوت غير مسموع و هو بيبص لهمس اوي * ياتري بتحبي مين يا همس عمر ؟؟؟ و لا حد تاني ... لو تعرفي انتي ايه بالنسبه لي لو تعرفي بحبك قد ايه عمرك ما هتفكري في حد غيري .. صدقيني يا همس مهما قابلتي ناس هتحبك عمرك ما هتقابلي حد يوصل درجه حبه ليكي نص حبي ليكي و لا هيحافظ عليكي زي ما هحافظ عليكي ... انتي روحي لو بعدتي عني هموت... هموت يا همس
حط ايده علي شعرها و بصوت مسموع : بحبك يا حبيبتي
صحيت همس اول ما حط ايده علي شعرها و سمعت كلمه بحبك يا حبيبتي
همس بلخبطه و فرحه و دهشه : خالد ... خالد بجد اللي سمعته ده انت ... انت يعني بتحبني ... خالد حمد الله علي سلامتك انت بقيت كويس؟ ... انت بجد بتحبني و لا انا كنت بحلم و لا ايه رد عليا عشان خاطري ... طب انت كويس
خالد بابتسامه بعد ما قام من علي سريره وقف قدامها : طب اهدي بس و جمعي انا كويس الحمد لله
همس : طب هو انت بتحبني و لا انا كنت بحلم ؟
خالد : ...........
همس : رد عليا يا خالد عشان خاطري انا بحبك اوي و الله بحبك اوي انت بتحبني و لالا؟
خالد :بتحبيني ؟؟؟ انا ؟
همس : ايوه انت و عمري ما حبيت و لا هحب غيرك انت يا خالد
خالد : مش معقول يعني ... يعني كلام امبارح ده كان عليا
همس : و كنت جايه اعترفلك بيه و اقولك اني بحبك بس انت اللي خوفتني
خالد : مش ممكن انا ازاي مفكرتش في كده .... همس انا بحبك اوي بحبك من قبل حتي ما تتولدي انتي اجمل حاجه في دنيتي انا مش مصدق نفسي
همس بفرحه : انا كنت حاسه كنت حاسه انك بتحبني استنيتك كتير تعترفلي بحبك لكن اتاخرت عليا اوي يا حبيبي
خالد : انا اسف يا حبيبتي سامحيني مكنتش عاوز اعطلك عن مذاكرتك بتفكيرك فيا و في حبي كنت خايف اضيع عليكي حلم حياتك في انك تكوني دكتوره
همس : انت حلم حياتي و اهم حد في دنيتي ميهمنيش هبقي ايه اللي يهمني اني هكون معاك
خالد بفرحه جامده اوي : يااااااااه اخيرا اخيرا هعيش مستقر و مش قلقان اخيرا حبيبتي هتبقي ليا... انا اول مااخلص السنه دي هخطبك من خالك هتصل بيه و اجيبه من السعوديه يجوزنا و لا اقولك هنخلي بابا ما هو زي باباكي برده احنا لسه هنستني خالك ايوه هنتجوز علي طول و هتفضلي معايا لاخر يوم في عمري
همس : انا النهارده اتولدت من جديد لان اخيرا كملت الدايره اللي كان ناقصها حلقه واحده بس و هي انك تبقي حبيبي بعد ما كنت ابويا و امي و اخويا و صاحبي دلوقتي اخيرا لقيت الحلقه الاخيره و هي انك تبقي حبيبي و انا حبيبتك .
قرب منها و اخدها في حضنه و باس راسها
خالد : انا هفضل طول عمري احبك و هبقي بالنسبه ليكي اكتر من باباكي و مامتك و اخوكي و صاحبك و اكتر من حبيبك يا حبيبتي
و
نكمل الحلقه الجايه
انا عارف انها صغيره بس واثق انها هتعجبكم
يا بقا عايز ارائكم تنزل زى المطر علشان
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| | موضوع: رد: قصه همس الروح الأحد فبراير 19, 2012 11:54 pm | |
| الحلقه الرابعه عشر
صعب اوي تقابل حبيب يخلصلك و يبقي علي حبك و انت حتي مش عارف انه بيحبك....
الاصعب لما تكون بتحبه قد حبه و مش قادر لسانك ينطق اقل كلمه تفرح قلبه.." كلمه بحبك"..
تاني يوم العصر
علي التليفون سيف بيسال علي خالد ردت عليه همس
سيف : ازيك يا همس
همس : تمام يا سيف الحمد لله انت عامل ايه ؟
سيف : الحمد لله خالد عندك ؟
همس : اها بس هو نايم دلوقتي يا سيف
سيف : هو تعبان مجاش الجامعه ليه ؟
همس: تعب امبارح اوي و عمو مصطفي جابله دكتور بعد ما جيه من الجامعه
سيف : ايه دكتور ؟؟!!! للدرجادي طب و هو عامل ايه دلوقتي؟
همس : لا دلوقتي احسن بكتير الحمد لله
سيف :الحمد لله . طب و الدكتور قال ايه؟
همس : شويه ارهاق بسبب المجهود و السهر و كان عنده سخونيه شديده اوي بس الحمد لله دلوقتي الحراره رجعت لمعدلها الطبيعي
سيف : الحمد لله يارب ... همس
همس : نعم يا سيف
سيف : خالد ....و سكت
همس : ماله خالد كمل يا سيف سكت ليه ؟
سيف : انا عاوز اقولك ان خالد...خالد بيحبك يا همس
همس : و انا بحبه اوي
سيف : انتي بتتكلمي بجد بتحبيه بتحبي خالد ابن عمي ده ؟؟
همس : ايوه بحبه اكتر من نفسي
سيف : حرام عليكي يا مفتريه تصدقي يا بت انتي عايزه قلمين
همس : ليه بس عشان بحبه زي ما بيحبني
سيف : عشان كان هيفطس بسببك
همس : بسببي انا !!! ازاي ؟
سيف : لما قلتيله انك بتحبي كان هيتجنن جيه الجامعه مش شايف قدامه كان خلاص هيعيط مني و هو بيحكيلي علي الحوار اللي دار ما بينكوا
همس : معقوله يعني التعب ده بسببي انا ؟
سيف : ايوه من كتر حبه فيكي مستحملش يسمع انك بتحبي حد غيره كان هيتجنن
همس : يا حبيبي يا خالد .. سلام دلوقتي يا سيف سلام
سيف : روحي قولي للواد انك بتحبيه ريحي قلبه
همس : قلبه ارتاح خلاص و هي سرحانه اوي سلام
و حطت السماعه و
جريت علي اوضه خالد عرفت ان مصطفي و ندي جوه استنت لما خرجوا و دخلتله
وقفت عند الباب و هي بصاله اوي من غير ما تنطق
خالد بابتسامه : وحشتيني
همس برده ساكته و مبحلقه فيه
خالد : مالك يا حبيبتي؟
همس : خالد انت جميل اوي انا .. انا بعشقك
خالد : و انا كمان بعشقك يا حبيبتي بس مالك بتبصيلي اوي كده ليه فيكي حاجه غريبه
همس : انا عرفت سبب تعبك ده ايه ؟
خالد : عرفتي ؟؟؟!!!
همس : للدرجادي بتحبني ؟
خالد : عرفتي ايه ؟
همس : عرفت انك اجمل و اعظم قلب.... عرفت اني لو لفيت الدنيا دي بحالها مش هلاقي حد يحبني قد حبك الجميل اوي ده انت اغلي من نور عنيا انا بحبك اوي يا خالد بحبك
خالد : انا كان عندي استعداد ادفع حياتي كلها تمن لنظره الحب اللي في عنيكي دي
همس : بعد الشر علي حياتك يا حياتي انا كلي ملكك هعيش بس عشان بحبك
خالد : تعالي يا همس اقعدي جنبي انتي بتوحشيني اوي
قربت و قعدت علي الكرسي اللي قصاد السرير
خالد : انا نفسي اغمض عيني و افتحها الاقيكي مراتي حبيبتي اللي هشلها جوه عنيا و احافظ عليها من اي حاجه ممكن تتعبها.. هعيشك ملكه عمري ما ههينك و لا اجرحك
همس : انا بقيت ملكه بيك من يوم ما لبست تاج حبك اللي بيخليني احس بقيمه نفسي و يحببني فيها اوي عشان انت بتحبها
خالد: ياااااااااه يا فرحه قلبي بيكي نفسي اشيلك و الف بيكي
همس : و انا نفسي اعيش في حضنك لاخر نفس فيا
خالد : عارفه يا همس لما قولتيلي كبرت و بحب كنت فرحان .. حسيت ان اخيرا البنت الصغيره اللي كنت بحبها كبرت و بقت عارفه الحب لكن لما فقت و سمعت كلامك للنهايه كنت عامل زي اللي بيتلف حوالين رقبته حبل مشنقه و بايده ممكن يفكه لكن ايده اتشلت عن الحركه مبقتش تقدر تدافع عن اللي يخصها
همس : كان نفسي ساعتها اصرخ بعلو صوتي و اقولك مليون بحبك لكن رد فعلك رعبني خفت اكون عايشه في وهم خفت تجرحني و انت اكدت الخوف ده جوايا
خالد : الكلام اللي قلتهولك كنت بحاول اطفي بيه ناري انا... خفت تعمليها و تروحي تقولي لحبيبك بحبك و تضيعي من ايدي
همس : لو كنت اعرف ان حبيبي بيحبني اوي كده كنت ريحت قلبه و طفيت ناره بحبي
خالد : انا بحمد ربنا الف مره انك جيتي للدنيا و كانك جيتي عشاني عشان احبك و تحبيني كل الحب ده
همس : لولا وجودك في دنيتي كان زماني تايهه و ضايعه.. انت اهم حد في حياتي عوضتني عن كل اللي فارقوني عشت يتيمه بس كان ليا ميه اب يخاف عليا و يحافظ عليا و مليون ام بتحبني و بتحسسني بطعم الحنيه انا من غيرك اموت
خالد : بعد الشر عليكي يا حبيبتي انتي القمر اللي بينورلي طريقي و من غيره اضيع في الدنيا
همس : بحبك
خالد : بحبك
باليل في اوضه خالد معاه سيف
سيف : قلقتني عليك يا واد
خالد : ربنا يخليك يا حبيبي
سيف : هو الحب يعمل كل ده ده علي كده الواحد يخاف يقرب منه بقي
خالد : لا الحب ده اجمل شئ في الوجود مفيش حد يقدر يعيش ابدا من غير حب
سيف : يا راجل انا اعرف ناس صحابنا الحب خلاهم يتعبوا و حرارتهم ترتفع و جابلهم دكتور
خالد : لولا التعب ده مكنتش الفرحه سكنت قلبي ... امبارح ده كان عيد انا عمري ما هنسي اليوم ده ابدا
سيف : يااااااااه كل ده
خالد : و اكتر بكتير انت متعرفش امبارح حصل ايه
سيف : عرفني
حكاله علي كل اللي حصل بينه و بين همس
سيف : يا ولاد الايه ايه الحب الجميل ده يخربيتكوا متحكوش لحد هتتحسدوا
خالد : انا بحبها اوي يا سيف همس بالنسبه لي مش مجرد حبيبه و بس دي روحي اللي لو خرجت مني اموت و الامل اللي انا عايش بيه و ليه ...هي احلي حاجه في دنيتي بحبها بحبها بحببببببها
سيف : (( همــــــس الـــــروح )) قمه الحب والرومانسيه .. ربنا يوفقكوا يا ابن عمي و الله فرحت اوي عشانكوا عقبالي بقي لما احب و اتحب زيكوا كده
خالد : مستحيل
سيف : مستحيل ايه احب ؟
خالد : لا دي ممكن.. المستحيل هو انك تحب زينا لان مفيش لحبنا زي
سيف : يا سلام يا سلام طيب يا سيدي ربنا يهنيكوا يارب
في الوقت ده خبطت همس كانت جايبه عصير لسيف
همس : انا عارفه انك بتحب المانجه قلت اجبهالك بنفسي
سيف : ميرسي يا قمر
خالد : وله
سيف : انا اسف .. ميرسي يا انسه همس
خالد : ايوه كده
همس : ههههههههههه بعد اذنكوا
سيف : رايحه فين تعالي اقعدي معانا
همس : اسيبكوا تكملوا قعدتكوا و كلامكوا مع بعض
سيف : احنا مبنتكلمش في اسرار و لا حاجه ده انتي بطله الحواركله تعالي تعالي بدل ما تشرقي و احنا نازلين نميمه عليكي
خالد : هههههههههه تعالي يا حبيبتي اقعدي معانا
همس : حاضر يا حبـــ
سيف : ياايه ؟
همس بكسوف : يا حبيبي
خالد : بس يا واد متكسفهاش بقي
سيف بدلع : حاضر يا حبيبي
خالد و همس : ههههههههههههههه
في الوقت ده اتفتح الباب بقوه مين اللي جيه هنعرف الحلقه الجايه
| |
|
| | |
ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
| |
| | |
| | قصه همس الروح | |
|
( همــــــس الـــــروح )) قمه الحب والرومانسيه ..