ḾahḾøøuĐ ḾễĐø
الأدارة
|| مسآهمآتي: : 369
•السـاعـة الـان•~|: :
 | موضوع: القصة القصيرة : مطلوب رئيس  الأربعاء أبريل 04, 2012 2:27 pm | |
| القصة القصيرة : مطلوب رئيس=-=-=-=-=-=-=-=-=-=-=القصة القصيرة : مطلوب رئيس ..
شخصيات القصة :
الاخوان .. العسكرى ..
واليكم هذه القصة القصيرة :
- الاخوان :
تاخد السلطة وتسيبلنا الشرعية ؟
- العسكرى :
وانا اعمل ايه بالسلطة لا الشرعية احلى ..
- الاخوان :
طيب تاخد الشرعية وتسيبلنا السلطة ؟
- العسكرى :
لاااا الناس اللى بره تقول علينا ايه سلمنالكوا البلد ؟ لا طبعا
- الاخوان :
عندى
ليك حل حلو .. احنا نقسمهم بالنص .. احنا نحط الدستور ونديك وضعك فيه ..
والسلطة برضه نقسمها بالنص احنا ناخد مجلس الشعب والشورى بصلاحيات نص نص ..
ونجيب رئيس حبيبنا وحبيبكوا وحبيب الفلول عشان ماحدش يزعل وكله يبقى
متراضى .. عشان ياخد باله مننا ومنكوا ومن الفلول .. ايه رايكوا ؟
- العسكرى :
هى
فكرة حلوه بس نضمن منين ان الراجل ده حايوصل وسط اتنين تلاته عاملين فيها
ثورجيه والناس ملمومه حواليهم خصوصا وفى واحد منهم كان منكم وشبابكوا
بيحبوه وحايدولوا اصواتهم ؟
- الاخوان :
ماهو الراجل ده هو
المشكلة واحنا بالحل ده بنضربه وبنخلص احنا وانتوا منه خصوصا انه فاهم
خبايانا كويس قوى ولو وصل للحكم حايبهدلنا ويبهدلكوا .. عشان كده احنا نعمل
مسرحية حلوة اوى الفصل الاول فيها نعمل اننا اتخانقنا مع بعض .. والفصل
التانى انتوا تزقوا حد تانى خالص غير اللى عليه العين منكوا عشان يترشح ..
نقوم احنا نعمل قال ايه بنرد عليكوا ونزق حد من عندنا عشان يترشح .. وبكده
نكسب كذا حاجة :
1- الراجل الثورجى اللى سابنا ماحدش من شبابنا حايدعمه لانهم حايدعموا غصب عنهم الراجل اللى احنا زقيناه .
2- الاتنين الجداد اللى حانزقهم حيساعدوا على تفتيت الاصوات اكتر واكتر ويصعبوا عالثورجية ان حد فيهم يوصل .
3- احنا وانتوا بمساعدة الراجل بتاعنا اللى وصلناه سوا نقدر نعمل اللى احنا عاوزينه .
4- الجماعة القدام الفلول يخرجوا واحد واحد بالهداوة ومايزعلوش .
5- تضمنوا انكوا ترجعوا تمام سالمين غانمين امنين .
6- اللى بره حايشوفوا قد ايه البلد فيها ديموقراطية ..خصوصا بعد ما بقوا بيحبونا وبنحبهم .
7- الناس حاتهدى عننا شوية ويقولوا ماقدروش ياخدوا كل حاجة .
- العسكرى :
طيب ولو كل ده مانفعش ولقينا واحد من الثورجية وخصوصا الراجل اللى سابكوا قرب ودخل اعادة نعمل ايه ؟
- الاخوان :
لا
متقلقش عاملين حسابنا وهو ده الفصل التالت من المسرحية حندعم من بعيد واحد
مش بتاع سياسة .. حايبقى من ايدنا اليمين لايدكوا الشمال برضه نقدر نعمل
وهو موجود كل اللى احنا عاوزينه .. شكله طيب والناس حاتحبوا وحانقعد نلمع
فيه ونحطه قدام الناس فى كل حته .. فى المحلات فى النواصى فى الشوارع .. فى
كل حته حتى اللى حاييجى يروح حايلاقيه فى وشه فى التلفزيون والجورنال ..
لحد ما الناس اللى على قد حالها ماتبقاش فاكرة حد غيره تروح تنتخبه .. ايه
رايك بقه يا معلم اتفقنا ؟
العسكرى :
اتفقنا مبروك يا رشرش
الاخوان :
اتفقنا مبروك يا مشمش
.
.
.
نسيت اقولكوا ان فى شخصية تالته فى القصة ..
سموهم عيال الحركة .. سموهم عيال الهوجة ..
سموهم زى مانتوا عاوزين ..
بس السؤال : يا ترى دورهم حاييجى امتى فى الفصل التانى ولا فى الفصل التالت ولا فى النهاية ؟ ويا ترى النهاية حاتبقى سعيدة ولا لأ ؟
انتوا اللى حاتجاوبوا لان النهاية فى ايديكوا انتوا ....
[ندعوك للتسجيل في المنتدى أو التعريف بنفسك لمعاينة هذه الصورة] | |
|
MeDo LoVeR
المشرف العام
|| مسآهمآتي: : 125
•السـاعـة الـان•~|: :
•عُمرِےُ: : 30
| | موضوع: رد: القصة القصيرة : مطلوب رئيس الأربعاء أبريل 25, 2012 3:34 am | |
| | |
|
