الحياة الان
الحـياه الان بدون سعادة ولا امان ,, يفرق ايه الشب عن ابوه التعبان
ما ابوه قاعد على القهوة ,, والشب من كتر خنقته قاعد هو كمان
نفسه يحب نفسه يشوف الحياة الوان ,, لكن الحياة مفهاش غير اسود وابيض بهتان
ضحك وقال لا انا تمام ,, مع كتر الصدمات عرف انه غلبان
نفسك تصرخ تعيش فرحان نفسك تقول للعالم كله انك انساان
قلبك حر ضميرك صاحى مش عايش غير بوائى انسان
كل اللى عليك تنجرح وتسكت عشان ترضى اغلى انسان
الحل قدامك بس جناجك مكسور وهلكان
عايش فى وسط بيت مش حاسس انه المكان
اللى اتربيت فيه ودوقت السعادة والامان
ليه كل ما نكبر قلبنا بيشيب معانا نص العمر عدا خلاص وفين احلامك
احلام ايه ما كله كدب فى كدب حب ايه ما هو كله بقى بيحب
طبعا فاهمنى ازاى الحب بقى ماشى عايش فى زمن خربان وفاضى
ضاع الاحساس ضاع الاحلام حبك خلاص مبقاش بيبان
كلمة حب بقت رخيصة بقت ارخص من اللبان
مش قادر اقعد ساكت حاسس انى تعبان من كتر تعبى مسكت قلمى وقولت اكتب عشان ارتاح
لكن بكيت من كتر همى وانا بكتبه حسيت بخنقت قلبى ووحدته
يارب صبر قلب طالب قوتك مالوش غيرك فى الحياة ونفسه فى رحمتك
من كتاباتى الخاصة
الخميس مايو 24, 2012 3:55 pm